Usta Rözimatxon Isaboyev
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 292-b. — ziyouz.com
Isaboyev Usta Rözimatxon (1885 — Namangan — 1963.3.11) — sozanda (tanbur, ğijjak, çang), çolğu asboblar ustasi, pedagog. Özbekistonda xizmat körsatgan san'at arbobi (1940). Farğona vodiysida Jalolxon hofizdan tanbur, ğijjak çaliş va çolğu asboblar yasaşni, Ramazon oxundan çang çaliş, Buxoroda Ota Jalol Nosirovdan Şaşmaqomning ayrim yöllarini, Samarqandda Hoji Abdu-laziz Abdurasulovdan «Samarkand Uşşoği», «Guluzorim», «Karimqul-begi»ni özlaştirgan. 20-y. largaça temirçilik va sozandalik b-n şuğullangan. Namanganda xalq sozandalari ansambli (1921—25) hamda Andijon (1925-27), Namangan (1928—31)da musiqa tögaraklari va Namangan teatri (1931—52)da musiqa rahbari. Namangan musiqa maktabi (keyinçalik bilim yurti) xalq çolğu asboblari bölimida pedagog (1947—63). Namanganda qöyilgan «Halima» (F. Zafariy, 1923), «Farqod va Şirin», «Layli va Majnun» (Hurşid, 1934, 1935) va b. spektakllarga xalq kuylaridan tanlagan. «Kuraş», «Çöli Iroq», «Qöqon Uşşoği», «Şahnozi Gulyor» kuylarini mahorat b-n ijro etgan.
Asl matn (kirill, PDF'dagidek)
ИСАБОЕВ Уста Рўзиматхон (1885 — Наманган — 1963.3.11) — созанда (танбур, ғижжак, чанг), чолғу асбоблар устаси, педагог. Ўзбекистонда хизмат кўрсатган санъат арбоби (1940). Фарғона водийсида Жалолхон ҳофиздан танбур, ғижжак чалиш ва чолғу асбоблар ясашни, Рамазон охундан чанг чалиш, Бухорода Ота Жалол Носировдан Шашмақомнинг айрим йўлларини, Самарқандда Ҳожи Абду-лазиз Абдурасуловдан «Самарканд Ушшоғи», «Гулузорим», «Каримқул-беги»ни ўзлаштирган. 20-й. ларгача темирчилик ва созандалик б-н шуғулланган. Наманганда халқ созандалари ансамбли (1921—25) ҳамда Андижон (1925-27), Наманган (1928—31)да мусиқа тўгараклари ва Наманган театри (1931—52)да мусиқа раҳбари. Наманган мусиқа мактаби (кейинчалик билим юрти) халқ чолғу асбоблари бўлимида педагог (1947—63). Наманганда қўйилган «Ҳалима» (F. Зафарий, 1923), «Фарқод ва Ширин», «Лайли ва Мажнун» (Ҳуршид, 1934, 1935) ва б. спектаклларга халқ куйларидан танлаган. «Кураш», «Чўли Ироқ», «Қўқон Ушшоғи», «Шаҳнози Гулёр» куйларини маҳорат б-н ижро этган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.