Vasiylik
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 58-b. — ziyouz.com
Vasiylik — muomalaga layoqatsiz fuqarolarning huquq va manfaatlarini himoya qiliş. Voyaga yetmaganlarga V. ularni tarbiyalaş maqsadida ham belgilanadi. Vasiylar öz himoyalaridagi şaxslarning huquq va manfaatlarini har qanday şaxslar b-n munosabatlarda, şu jumladan, sudlarda ham maxsus vakolatsiz himoya qiladi. Voyaga yetmaganlarga V. ularning ota-onasi, farzandlikka oluvçilari bölmagan, ota-onasi sud tomonidan ota-onalik huquqlaridan mahrum qilingan taqdirda, şuningdek boşqa sabablarga köra bunday farzandlar ota-ona himoyasidan mahrum bölib qolgan, xususan, ularni ota-ona tarbiyalaşdan yoxud huquq va manfaatlarini himoya qilişdan böyin tovlagan hollarda belgilanadi. 14 yoşga tölmagan fuqarolar, ruhiy kasal va aqli zaiflar nomidan vasiy harakat qiladi (ÖzR FK, 32-modda).
Asl matn (kirill, PDF'dagidek)
ВАСИЙЛИК — муомалага лаёқатсиз фуқароларнинг ҳуқуқ ва манфаатларини ҳимоя қилиш. Вояга етмаганларга В. уларни тарбиялаш мақсадида ҳам белгиланади. Васийлар ўз ҳимояларидаги шахсларнинг ҳуқуқ ва манфаатларини ҳар қандай шахслар б-н муносабатларда, шу жумладан, судларда ҳам махсус ваколатсиз ҳимоя қилади. Вояга етмаганларга В. уларнинг ота-онаси, фарзандликка олувчилари бўлмаган, ота-онаси суд томонидан ота-оналик ҳуқуқларидан маҳрум қилинган тақдирда, шунингдек бошқа сабабларга кўра бундай фарзандлар ота-она ҳимоясидан маҳрум бўлиб қолган, хусусан, уларни ота-она тарбиялашдан ёхуд ҳуқуқ ва манфаатларини ҳимоя қилишдан бўйин товлаган ҳолларда белгиланади. 14 ёшга тўлмаган фуқаролар, руҳий касал ва ақли заифлар номидан васий ҳаракат қилади (ЎзР ФК, 32-модда).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.