Vegetatsion usul
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 89-b. — ziyouz.com
Vegetatsion usul - ösimliklar agrokimyosi va fiziologiyasiga oid i. t. işlarida qöllaniladigan lab. usullaridan biri; vegetatsion idişlarga ötqazilgan ösimliklarni vegetatsion uy, issiqxona, oranjeriya, fitotron va b.da östiriş. V. u. yordamida oziq moddalarning fiziologik roli, ularning ösimliklarga kirib borişi, muhit reaksiyasining (rN) ahamiyati, suğoriş normasi, ösimlikning oziq eritmasi konsentratsiyasi, t-ra, kimyoviy himoya vositalari, gerbitsidlarga munosabati örganiladi, şuningdek tuproqqa solinadigan turli xil öğitlar sinab köriladi. Ösimlik qanday muhitda (suv, qum, tuproq) östirilişiga qarab V. u.ning bir neça asosiy körinişlari mavjud: yuksak ösimliklar b-n tajribalarni suv, qum va tuproqli muhitda ötkaziş mumkin. Köpçilik tadqiqotlarda ösimlik tabiiy şaroitga yaqin bölgan substratda östirilişi maqsadga muvofiq. Substrat biologik jihatdan inert bölişi lozim, şunda olinadigan natija aniq böladi.
Asl matn (kirill, PDF'dagidek)
ВЕГЕТАЦИОН УСУЛ - ўсимликлар агрокимёси ва физиологиясига оид и. т. ишларида қўлланиладиган лаб. усулларидан бири; вегетацион идишларга ўтқазилган ўсимликларни вегетацион уй, иссиқхона, оранжерия, фитотрон ва б.да ўстириш. В. у. ёрдамида озиқ моддаларнинг физиологик роли, уларнинг ўсимликларга кириб бориши, муҳит реакциясининг (рН) аҳамияти, суғориш нормаси, ўсимликнинг озиқ эритмаси концентрацияси, т-ра, кимёвий ҳимоя воситалари, гербицидларга муносабати ўрганилади, шунингдек тупроққа солинадиган турли хил ўғитлар синаб кўрилади. Ўсимлик қандай муҳитда (сув, қум, тупроқ) ўстирилишига қараб В. у.нинг бир неча асосий кўринишлари мавжуд: юксак ўсимликлар б-н тажрибаларни сув, қум ва тупроқли муҳитда ўтказиш мумкин. Кўпчилик тадқиқотларда ўсимлик табиий шароитга яқин бўлган субстратда ўстирилиши мақсадга мувофиқ. Субстрат биологик жиҳатдан инерт бўлиши лозим, шунда олинадиган натижа аниқ бўлади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.