Veterinariya akuşerligi
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 139-b. — ziyouz.com
Veterinariya akuşerligi -klinik fan, jinsiy jarayonning norma va patologiya masalalari b-n şuğullanib (uruğlantiriş, otalaniş, böğoz böliş, tuğiş va tuqqandan sönggi davr), şuningdek sut bezlari va yangi tuğilgan hayvonlar kasalliklarini örganadi. V. a. qişloqxöjaligi hayvonlarini sun'iy qoçiriş nazariyasi va amaliyotini işlab çiqadi, hayvonlarning tuğişiga yordam beriş va boş sonini köpaytiriş yöllarini örgatadi. V.a. hayvonlar morfologiyasi, fiziologiyasi, biokimyosi, mikrobiologiyasi, zoogigiyenasi, xirurgiyasi va b. fanlarga tayanib iş olib boradi. Veterinariya sohasidagi olimlar hayvonlarning qisir qolişi, bola taşlaşi va mastit kasalliklari tasnifini, böğoz mollar diagnostikasining turli usullarini, jinsiy a'zo va tuğruq yöllarida sodir böladigan kasalliklarni davolaş yöllarini işlab çiqib, hayotga tatbiq etdi. Akuşerlik muammolarining ilmiy asoslari b-n ÖzR Veterinariya, Çorvaçilik i. t. in-tlari, Samarqand qişloq xöjaligi in-ti, şuningdek veterinariya lab.lari şuğullanadi.
Asl matn (kirill, PDF'dagidek)
ВЕТЕРИНАРИЯ АКУШЕРЛИГИ -клиник фан, жинсий жараённинг норма ва патология масалалари б-н шуғулланиб (уруғлантириш, оталаниш, бўғоз бўлиш, туғиш ва туққандан сўнгги давр), шунингдек сут безлари ва янги туғилган ҳайвонлар касалликларини ўрганади. В. а. қишлоқхўжалиги ҳайвонларини сунъий қочириш назарияси ва амалиётини ишлаб чиқади, ҳайвонларнинг туғишига ёрдам бериш ва бош сонини кўпайтириш йўлларини ўргатади. В.а. ҳайвонлар морфологияси, физиологияси, биокимёси, микробиологияси, зоогигиенаси, хирургияси ва б. фанларга таяниб иш олиб боради. Ветеринария соҳасидаги олимлар ҳайвонларнинг қисир қолиши, бола ташлаши ва мастит касалликлари таснифини, бўғоз моллар диагностикасининг турли усулларини, жинсий аъзо ва туғруқ йўлларида содир бўладиган касалликларни даволаш йўлларини ишлаб чиқиб, ҳаётга татбиқ этди. Акушерлик муаммоларининг илмий асослари б-н ЎзР Ветеринария, Чорвачилик и. т. ин-тлари, Самарқанд қишлоқ хўжалиги ин-ти, шунингдек ветеринария лаб.лари шуғулланади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.