Veterinariya laboratoriyasi
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 141-b. — ziyouz.com
Veterinariya laboratoriyasi — veterinariya xizmati tizimida hayvonlardagi kasalliklarni aniqlaydigan laboratoriya. Hayvonlarning kasalliklari va öliş sabablarini aniqlaş maqsadida turli xil i.t. va kuzatiş işlari olib boradi. V. l.da bakteriologik, serologik va gemotologik tahlillar bajariladi, patologik material tekşiriladi, sut, göşt va b. çorvaçilik mahsulotlari sanitariya jihatdan tahlil qilinadi, kimyoviy va toksikologik tahlillar ötkaziladi. V.l. kasalliklarning oldini oliş va ularni davolaş uçun antibiotiklar va b. preparatlar tayyorlaydi, veterinariya sohasidagi fan yutuqlari va ilğor tajribalarni tarğib qiladi. V. l. tekşiriş va b. işlarni özi xizmat qilayotgan hududdagi fermer, şirkat, aksionerlik, jamoa xöjaliklar va davlat veterinariya muassasalarining buyurtmalariga muvofiq bajaradi. Tayyorlangan antibiotik va b. har turdagi preparatlarni xöjaliklarga sotadi. Göşt-sut va oziq-ovqat nazorat st-yalari ular qaramoğida bölib, dehqon bozorlarida göşt, sut va b. çorvaçilik hamda dehqonçilik mahsulotlarini ekspertiza qiladi. Özbekistonda 3 respublika V. l. (yuqumli kasalliklar diagnostikasi lab.; öta xavfli kasalliklar lab.; veterinariya preparatlari lab.), 13 viloyat, 126 tuman va tumanlararo, 246 veterinariya-sanitariya ekspertizasi lab.lari işlaydi (2000).
Asl matn (kirill, PDF'dagidek)
ВЕТЕРИНАРИЯ ЛАБОРАТОРИЯСИ — ветеринария хизмати тизимида ҳайвонлардаги касалликларни аниқлайдиган лаборатория. Ҳайвонларнинг касалликлари ва ўлиш сабабларини аниқлаш мақсадида турли хил и.т. ва кузатиш ишлари олиб боради. В. л.да бактериологик, серологик ва гемотологик таҳлиллар бажарилади, патологик материал текширилади, сут, гўшт ва б. чорвачилик маҳсулотлари санитария жиҳатдан таҳлил қилинади, кимёвий ва токсикологик таҳлиллар ўтказилади. В.л. касалликларнинг олдини олиш ва уларни даволаш учун антибиотиклар ва б. препаратлар тайёрлайди, ветеринария соҳасидаги фан ютуқлари ва илғор тажрибаларни тарғиб қилади. В. л. текшириш ва б. ишларни ўзи хизмат қилаётган ҳудуддаги фермер, ширкат, акционерлик, жамоа хўжаликлар ва давлат ветеринария муассасаларининг буюртмаларига мувофиқ бажаради. Тайёрланган антибиотик ва б. ҳар турдаги препаратларни хўжаликларга сотади. Гўшт-сут ва озиқ-овқат назорат ст-ялари улар қарамоғида бўлиб, деҳқон бозорларида гўшт, сут ва б. чорвачилик ҳамда деҳқончилик маҳсулотларини экспертиза қилади. Ўзбекистонда 3 республика В. л. (юқумли касалликлар диагностикаси лаб.; ўта хавфли касалликлар лаб.; ветеринария препаратлари лаб.), 13 вилоят, 126 туман ва туманлараро, 246 ветеринария-санитария экспертизаси лаб.лари ишлайди (2000).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.