Viktor Mixayloviç Vasnetsov
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 62-b. — ziyouz.com
Vasnetsov Viktor Mixayloviç [1848. 3(15).5, Lopya qişloği, hoz. Kirov viloyati — 1926.23.7, Moskva) — rus rassomi, Peterburg BA haqiqiy a'zosi (1893). Peterburg BAda ta'lim olgan (1868—75). 1880-y.lardan milliy tarixiy mavzularda, ertaklar mazmuniga oid asarlar yaratdi. Epik asarlarida xalq ğoyalari va yuksak vatanparvarlik tuyğularini aks ettirişga intildi, qad. rus amaliy va bezak san'ati an'analarini rivojlantirdi: «Igor Svyatoslaviçning qipçoqlar b-n jangidan söng» (1880), «Alyonuşka» (1881), «Böriga mingan şahzoda Ivan» (1889), «Bahodirlar» (1881—98), «Şoh Ivan Vasilyeviç Grozniy» (1897) va b. 1880— 90 y.lardagi işlari teatr b-n boğliq, bu davrda yaratilgan asarlari rus teatr dekoratsiyasi san'ati rivojiga kuçli ta'sir körsatgan. Tarix muzeyi uçun «Toş davri» mahobatli namoyonini yaratdi (1883—85), Kiyevdagi Vladimir sobori devoriy rasmlari (1885—96) 19-a. 2-yarmida inqirozga yuz tutgan an'anaviy çerkov mahobatli rang tasviri tizimiga ruhiy mazmun va jöşqinlik kiritdi. Köplab portretlar yaratgan. V. rasmlari asosida çerkov va afsonaviy «Tovuq oyoğidagi uyça» (1883, Abramsovoda) bunyod etilgan, Tretyakov galereyasi fasadi qurilgan (1902).
Asl matn (kirill, PDF'dagidek)
ВАСНЕЦОВ Виктор Михайлович [1848. 3(15).5, Лопья қишлоғи, ҳоз. Киров вилояти — 1926.23.7, Москва) — рус рассоми, Петербург БА ҳақиқий аъзоси (1893). Петербург БАда таълим олган (1868—75). 1880-й.лардан миллий тарихий мавзуларда, эртаклар мазмунига оид асарлар яратди. Эпик асарларида халқ ғоялари ва юксак ватанпарварлик туйғуларини акс эттиришга интилди, қад. рус амалий ва безак санъати анъаналарини ривожлантирди: «Игорь Святославичнинг қипчоқлар б-н жангидан сўнг» (1880), «Алёнушка» (1881), «Бўрига минган шаҳзода Иван» (1889), «Баҳодирлар» (1881—98), «Шоҳ Иван Васильевич Грозний» (1897) ва б. 1880— 90 й.лардаги ишлари театр б-н боғлиқ, бу даврда яратилган асарлари рус театр декорацияси санъати ривожига кучли таъсир кўрсатган. Тарих музейи учун «Тош даври» маҳобатли намоёнини яратди (1883—85), Киевдаги Владимир собори деворий расмлари (1885—96) 19-а. 2-ярмида инқирозга юз тутган анъанавий черков маҳобатли ранг тасвири тизимига руҳий мазмун ва жўшқинлик киритди. Кўплаб портретлар яратган. В. расмлари асосида черков ва афсонавий «Товуқ оёғидаги уйча» (1883, Абрамцовода) бунёд этилган, Третьяков галереяси фасади қурилган (1902).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.