Vilyam Gerşel
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 251-b. — ziyouz.com
Gerşel Vilyam GERŞEL (Herschel) Vilyam (Fridrix Vilgelm) (1738.15.11, Gannover, Germaniya —1882.25.8, Slau, London yaqinida) —ingliz astronomi va optigi. London Qirollik astronomiya jamiyati a'zosi (1781). 1757 y.da Angliyaga kelib, maşhur kompozitor va musiqa öqituvçisi sifatida taniladi. Keyinçalik (36 yoşidan) astronomiyaga qiziqib, yuzlab teleskoplar yasadi. 1781 y. 13 martda Uran sayyorasini kaşf qildi va uning ikki yöldoşi —Oberon va Titaniyani oçdi, Saturnning ikki yöldoşi hamda uning öz öqi atrofida aylanişini aniqladi. G. 2500 dan ortiq yulduz tödalari va tumanliklarini öz içiga olgan jadvalni tuzdi. Teleskoplarni loyihalaş va yasaşda unga ukasi, iste'dodli mexanik Aleksandr G., keyinçalik öğli, maşhur astronom Jon G., astronomik kuzatuvlarda singlisi, astronom ayol Karolina G. kömaklaşgan.
Asl matn (kirill, PDF'dagidek)
ГЕРШЕЛЬ (Herschel) Вильям (Фридрих Вильгельм) (1738.15.11, Ганновер, Германия —1882.25.8, Слау, Лондон яқинида) —инглиз астрономи ва оптиги. Лондон Қироллик астрономия жамияти аъзоси (1781). 1757 й.да Англияга келиб, машҳур композитор ва мусиқа ўқитувчиси сифатида танилади. Кейинчалик (36 ёшидан) астрономияга қизиқиб, юзлаб телескоплар ясади. 1781 й. 13 мартда Уран сайёрасини кашф қилди ва унинг икки йўлдоши —Оберон ва Титанияни очди, Сатурннинг икки йўлдоши ҳамда унинг ўз ўқи атрофида айланишини аниқлади. Г. 2500 дан ортиқ юлдуз тўдалари ва туманликларини ўз ичига олган жадвални тузди. Телескопларни лойиҳалаш ва ясашда унга укаси, истеъдодли механик Александр Г., кейинчалик ўғли, машҳур астроном Жон Г., астрономик кузатувларда синглиси, астроном аёл Каролина Г. кўмаклашган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.