Viza

Viza (frans. visa, lot. visis — közdan keçirilgan, qaralgan) — 1) turli davlatlar fuqarolarining boşqa biron-bir davlatga kirişi, undan çiqişi, qisqa muddat yaşaşi yoki davlat hududidan ötişi uçun hukumat mas'ul organlari tomonidan (mas., taşqi işlar vazirligi, içki işlar vazirligi) fuqaro pasportiga qöyiladigan maxsus rasmiy ruxsat belgisi. V.lar oddiy, turistik, xizmat va diplomatik turlarga bölinadi. Oddiy V. fuqarolarga şaxsan foydalaniş uçun, turistik V.— uyuşgan yoki yakka sayyohlarga, xizmat V.si— davlat va hukumat organlarining xizmatçi şaxslariga xizmat yuzasidan, diplomatik V. esa diplomatik maqomga ega bölgan mas'ul kişilarga beriladi. V.lardan bir yoki köp marta foydalaniş mumkin. Bir marta foydalaniladigan V. körsatilgan muddat içida V. beruvçi mamlakatga bir marta kelib-ketiş uçun ruxsatnomadir. Köp marta işlatiladigan V. körsatilgan muddat içida ruxsat bergan davlatga bir neça marotaba kelib-ketiş huquqini ta'minlaydi. Şuningdek, köpgina mamlakatlarda fuqaro pasportlariga öz mamlakatidan xorijiy yurtlarga çiqiş uçun ruxsatnoma — V. belgisi qöyilişi mumkin; 2) biron hujjat ustidagi yozuv — rozilik belgisi; hujjatning içki kelişuvini ifodalaydi. Amaliyotda biron-bir hujjatni tayyorlagan şaxsning bu hujjatga mas'ulligini tasdiqlovçi imzosini, şuningdek mansabdor şaxsning muayyan hujjatdagi fikrga (iltimos yoki talabga) roziligini anglatadi.