Vobkent minorasi
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 215-b. — ziyouz.com
Vobkent minorasi — Buxoro viloyati Vobkent ş.dagi me'moriy yodgorlik (12-a.). Ön ikki qirrali supa asosga örnatilgan ğöla (quyi qismining diametri 6,19 m, yuqori qisminiki — 2,81 m) şaklida rangdor, pişiq ğiştlardan qurilgan. Bir paytlar yonida mavjud bölgan masjid tomonidan kirib, yuqoriga aylanma zinapoya orqali çiqilgan. Börtma naqşli 10 belboğ b-n qismlarga ajratilgan, har bir qismi bir-biriga öxşamaydigan qilib ğişt terib naqşlangan, quyisidagi naqşlar orasida qurilgan yili va qurdirgan şaxs (Sadr Burhoniddin Abdulaziz II) ning nomi kufiy uslubida yozilgan. Minoraning uçi kengaytirilib, qafasa işlangan (diametri 3,66 m), ğişt terib işlangan 10 ravoq orasida 10 darça hosil qilingan, darçalarning quyisi ğişt panjara b-n tösilgan. Minoraning taşqi körinişi köp jihatdan Minorai kalonga öxşaydi, lekin muqarnaslari ança sodda. Minora supasi tuproq ostida qolgan, qurilgan paytida uning bal. 2,3 m bölganini arxeologik tadqiqotlar körsatadi. Minoraning umumiy balandligi esa 40,3 m.
Asl matn (kirill, PDF'dagidek)
ВОБКЕНТ МИНОРАСИ — Бухоро вилояти Вобкент ш.даги меъморий ёдгорлик (12-а.). Ўн икки қиррали супа асосга ўрнатилган ғўла (қуйи қисмининг диаметри 6,19 м, юқори қисминики — 2,81 м) шаклида рангдор, пишиқ ғиштлардан қурилган. Бир пайтлар ёнида мавжуд бўлган масжид томонидан кириб, юқорига айланма зинапоя орқали чиқилган. Бўртма нақшли 10 белбоғ б-н қисмларга ажратилган, ҳар бир қисми бир-бирига ўхшамайдиган қилиб ғишт териб нақшланган, қуйисидаги нақшлар орасида қурилган йили ва қурдирган шахс (Садр Бурҳониддин Абдулазиз II) нинг номи куфий услубида ёзилган. Миноранинг учи кенгайтирилиб, қафаса ишланган (диаметри 3,66 м), ғишт териб ишланган 10 равоқ орасида 10 дарча ҳосил қилинган, дарчаларнинг қуйиси ғишт панжара б-н тўсилган. Миноранинг ташқи кўриниши кўп жиҳатдан Минораи калонга ўхшайди, лекин муқарнаслари анча содда. Минора супаси тупроқ остида қолган, қурилган пайтида унинг бал. 2,3 м бўлганини археологик тадқиқотлар кўрсатади. Миноранинг умумий баландлиги эса 40,3 м.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.