Vollastonit
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 232-b. — ziyouz.com
Vollastonit [ingliz kimyogari U. X. Vollaston (1766—1828) nomidan] — yuqori t-rada hosil böladigan metamorfik mineral. Kimyoviy formulasi Ca3(Si3O9). Triklin singoniyali. Köpinça yelpiğiç yoki uzunçoq va tola holidagi kristallar. Rangi oq, kulrang yoki qizğiş tusli. Sadafsimon yaltiroq. Qattiqligi 4,5—5; s. of. 2,8—2,9. V. Markaziy Osiyodagi granit intruziyalarining ohaktoşlar b-n tutaşgan joyida hosil bölgan. Tabiatda piroksen, granat, amfibol, kalsit va kvars b-n birga uçraydi. V. yuqori kuçlanişlarga bardoş bera oladigan elektr issiqlik izolyatorlari, koşinlar, ğişt, mineral paxta, maxsus filtrlar i.ç.da qöllaniladi. Ğarbiy Özbekistonning Zirabuloq-Ziyovuddin, Nurota, Qoratepa hamda Çatqol, Hisor va Qurama toğlarida köp uçraydi. Özbekistonda V.ning 40 dan ortiq yirik konlari topilgan.
Asl matn (kirill, PDF'dagidek)
ВОЛЛАСТОНИТ [инглиз кимёгари У. X. Волластон (1766—1828) номидан] — юқори т-рада ҳосил бўладиган метаморфик минерал. Кимёвий формуласи Ca3(Si3O9). Триклин сингонияли. Кўпинча елпиғич ёки узунчоқ ва тола ҳолидаги кристаллар. Ранги оқ, кулранг ёки қизғиш тусли. Садафсимон ялтироқ. Қаттиқлиги 4,5—5; с. of. 2,8—2,9. В. Марказий Осиёдаги гранит интрузияларининг оҳактошлар б-н туташган жойида ҳосил бўлган. Табиатда пироксен, гранат, амфибол, кальцит ва кварц б-н бирга учрайди. В. юқори кучланишларга бардош бера оладиган электр иссиқлик изоляторлари, кошинлар, ғишт, минерал пахта, махсус фильтрлар и.ч.да қўлланилади. Ғарбий Ўзбекистоннинг Зирабулоқ-Зиёвуддин, Нурота, Қоратепа ҳамда Чатқол, Ҳисор ва Қурама тоғларида кўп учрайди. Ўзбекистонда В.нинг 40 дан ортиқ йирик конлари топилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.