Vositaçilik
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 246-b. — ziyouz.com
Vositaçilik (diplomatiyada) — ikki yoki bir neça davlatlar örtasida muzokaralar olib borilişini yölga qöyiş va muzokaralar jarayonida iştirok etib, ular muvaffaqiyatini ta'minlovçi vositalardan biri. V. vazifasini, odatda, nufuzli davlatlar, xalqaro taşkilotlar vakillari bajaradilar. Maş'um «sovuq uruş» tugallanib, Şarq b-n Ğarb örtasidagi munosabatlarda muxolifliqdan muloqotlarga ötilişi şaroitida mahalliy mojarolarni tinç yöl b-n hal qiliş uçun V.dan keng foydalanilmoqda. Mas., BMTning, BMT Boş kotibi, uning muovinlari, maxsus vakillari va ma'lum maqsadlarda tuzilgan missiyalari V. faoliyati tufayli turli mintaqalar (Afrikada — Angola va Namibiya, Lotin Amerikasida — Nikaragua va Salvador, Osiyoda — Kampuçiya, Yevropada — Bosniya)-da yuz bergan qurolli mojarolar töxtadi, Yevropa Ittifoqining qator a'zolari, AQŞ va Rossiya vakillaridan iborat sobiq Yugoslaviya böyiça aloqa guruhi Bosniya va Gersegovinada sodir bölgan uruşni tugallaşga erişdi.
Asl matn (kirill, PDF'dagidek)
ВОСИТАЧИЛИК (дипломатияда) — икки ёки бир неча давлатлар ўртасида музокаралар олиб борилишини йўлга қўйиш ва музокаралар жараёнида иштирок этиб, улар муваффақиятини таъминловчи воситалардан бири. В. вазифасини, одатда, нуфузли давлатлар, халқаро ташкилотлар вакиллари бажарадилар. Машъум «совуқ уруш» тугалланиб, Шарқ б-н Ғарб ўртасидаги муносабатларда мухолифлиқдан мулоқотларга ўтилиши шароитида маҳаллий можароларни тинч йўл б-н ҳал қилиш учун В.дан кенг фойдаланилмоқда. Мас., БМТнинг, БМТ Бош котиби, унинг муовинлари, махсус вакиллари ва маълум мақсадларда тузилган миссиялари В. фаолияти туфайли турли минтақалар (Африкада — Ангола ва Намибия, Лотин Америкасида — Никарагуа ва Сальвадор, Осиёда — Кампучия, Европада — Босния)-да юз берган қуролли можаролар тўхтади, Европа Иттифоқининг қатор аъзолари, АҚШ ва Россия вакилларидан иборат собиқ Югославия бўйича алоқа гуруҳи Босния ва Герцеговинада содир бўлган урушни тугаллашга эришди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.