Vraçlik punkti
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 256-b. — ziyouz.com
Vraçlik punkti - ÖzR şahar va qişloqlarida taşkil etiladigan tibbiy muassasa. Özbekiston Respublikasi Vazirlar mahkamasining «1996—2000 y.larda qişloqlar ijtimoiy infrastrukturasini rivojlantiriş dasturi töğrisida» çiqargan (1996.21.5 №182) qaroriga muvofiq birinçi marta 1996 y.da taşkil etilgan. V. p. da kamida 10—12 xona, jumladan katta yoşdagi kişilar va bolalarni umumiy qabul qiladigan vraç xonasi, röyxatga oliş, muolaja qiliş, elektrokardiografiya, fizioterapiya, ayollarni közdan keçiriş, şuningdek bolalarni emlaş (vaksinatsiya) xonalari böladi. Kunduzi yotib davolanadigan xonalar, dorixona ham bölişi şart. V. p. özi xizmat körsatadigan aholi örtasida profilaktik va soğlomlaştiriş işlarini olib boradi. Muayyan hududda yaşaydigan 1500—2000 aholiga 1 vraç umumiy amaliy yordam körsatadi. V. p. onalar va bolalar soğliğini muhofaza qiladi; sil, onkologik, tanosil kasalliklariga qarşi kuraş olib boradi; aholi örtasida soğlom turmuş tarzini tarğib etadi.
V. p. xodimlarining vazifasi quyidagilardan iborat: şoşilinç tibbiy yordam körsatiş; punktga biriktirilgan katta yoşdagi kişilar va bolalar örtasida kasalliklarni öz vaqtida aniqlaş va soğlomlaştiriş işlarini olib boriş; uyga borib tibbiy yordam körsatiş; punktda kunduzi yotib davolanayotgan va uyda davo olayotgan bemorlarga muolaja qiliş; bolalarni öz muddatida emlaş; ma'lum muddatlarda va tasdiqlangan hujjatlarga muvofiq aholini profilaktik tibbiy körikdan ötkazib turiş; mehnatga qobiliyatsizlikni aniqlaş va kasallik varaqasi beriş.
Asl matn (kirill, PDF'dagidek)
ВРАЧЛИК ПУНКТИ - ЎзР шаҳар ва қишлоқларида ташкил этиладиган тиббий муассаса. Ўзбекистон Республикаси Вазирлар маҳкамасининг «1996—2000 й.ларда қишлоқлар ижтимоий инфраструктурасини ривожлантириш дастури тўғрисида» чиқарган (1996.21.5 №182) қарорига мувофиқ биринчи марта 1996 й.да ташкил этилган. В. п. да камида 10—12 хона, жумладан катта ёшдаги кишилар ва болаларни умумий қабул қиладиган врач хонаси, рўйхатга олиш, муолажа қилиш, электрокардиография, физиотерапия, аёлларни кўздан кечириш, шунингдек болаларни эмлаш (вакцинация) хоналари бўлади. Кундузи ётиб даволанадиган хоналар, дорихона ҳам бўлиши шарт. В. п. ўзи хизмат кўрсатадиган аҳоли ўртасида профилактик ва соғломлаштириш ишларини олиб боради. Муайян ҳудудда яшайдиган 1500—2000 аҳолига 1 врач умумий амалий ёрдам кўрсатади. В. п. оналар ва болалар соғлиғини муҳофаза қилади; сил, онкологик, таносил касалликларига қарши кураш олиб боради; аҳоли ўртасида соғлом турмуш тарзини тарғиб этади.
В. п. ходимларининг вазифаси қуйидагилардан иборат: шошилинч тиббий ёрдам кўрсатиш; пунктга бириктирилган катта ёшдаги кишилар ва болалар ўртасида касалликларни ўз вақтида аниқлаш ва соғломлаштириш ишларини олиб бориш; уйга бориб тиббий ёрдам кўрсатиш; пунктда кундузи ётиб даволанаётган ва уйда даво олаётган беморларга муолажа қилиш; болаларни ўз муддатида эмлаш; маълум муддатларда ва тасдиқланган ҳужжатларга мувофиқ аҳолини профилактик тиббий кўрикдан ўтказиб туриш; меҳнатга қобилиятсизликни аниқлаш ва касаллик варақаси бериш.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.