Asosiy mazmunga ötiş
Qidiriş…Ctrl K

    Şrift ölçami

    Xabarovsk

    Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 2-b. — ziyouz.com

    Xabarovsk (1893 y.gaça Xabarovka) — RFdagi şahar (1880 y.dan), Xabarovsk ölkasi markazi, Amur daryosining öng sohilidagi port. Uzoq Şarqning muhim transport yöllari çorrahasi. T.y. stansiyasi. Aeroport bor. Aholisi 583,1 ming kişi (2002).

    Şahar 1858 y. Xabarovka harbiy posti sifatida vujudga kelgan, 1880 y.dan Primorye viloyatining ma'muriy markazi. 1884 y.dan Priamurye generalgubernatorligi markazi. 1893 y.dan rus sayyohi Ye.P.Xabarov şarafiga X. deb atalgan. 1902 y.da X.da «Arsenal» harbiy zavodi qurilgan. 1904 y.dan Amur harbiy flotining bazasi. 20-a. boşlarida X. Uzoq Şarqning yirik savdo markaziga aylandi. 1926—38 y.larda Uzoq Şarq ölkasi markazi.

    Maşinasozlik va metallsozlik (stanoksozlik, kemasozlik va kema ta'mirlaş, kabel va b. zavodlar), neftni qayta işlaş, yengil, oziq-ovqat sanoati korxonalari bor; quriliş materiallari işlab çiqariladi, kimyofarmatsevtika zavodi faoliyat körsatadi. 8 oliy öquv yurti, 7 i.t. instituta, 3 teatr, ölkaşunoslik, adabiyot, badiiy muzeylar, telemarkaz bor. Şahar atrofida 3 sanatoriy, dam oliş uylari mavjud.

    Asl matn (kirill, PDF'dagidek)

    ХАБАРОВСК (1893 й.гача Хабаровка) — РФдаги шаҳар (1880 й.дан), Хабаровск ўлкаси маркази, Амур дарёсининг ўнг соҳилидаги порт. Узоқ Шарқнинг муҳим транспорт йўллари чорраҳаси. Т.й. станцияси. Аэропорт бор. Аҳолиси 583,1 минг киши (2002).

    Шаҳар 1858 й. Хабаровка ҳарбий пости сифатида вужудга келган, 1880 й.дан Приморье вилоятининг маъмурий маркази. 1884 й.дан Приамурье генералгубернаторлиги маркази. 1893 й.дан рус сайёҳи Е.П.Хабаров шарафига X. деб аталган. 1902 й.да Х.да «Арсенал» ҳарбий заводи қурилган. 1904 й.дан Амур ҳарбий флотининг базаси. 20-а. бошларида X. Узоқ Шарқнинг йирик савдо марказига айланди. 1926—38 й.ларда Узоқ Шарқ ўлкаси маркази.

    Машинасозлик ва металлсозлик (станоксозлик, кемасозлик ва кема таъмирлаш, кабель ва б. заводлар), нефтни қайта ишлаш, енгил, озиқ-овқат саноати корхоналари бор; қурилиш материаллари ишлаб чиқарилади, кимёфармацевтика заводи фаолият кўрсатади. 8 олий ўқув юрти, 7 и.т. института, 3 театр, ўлкашунослик, адабиёт, бадиий музейлар, телемарказ бор. Шаҳар атрофида 3 санаторий, дам олиш уйлари мавжуд.

    Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.