«Xalq sözi»
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 36-b. — ziyouz.com
«Xalq sözi» («Narodnoye slovo») — ommaviy ijtimoiy-siyosiy gazeta. Muassisi — Özbekiston Respublikasi Oliy Majlisi va Özbekiston Respublikasi Vazirlar Maxkamasi. 1991 y. 1 yanv.dan çiqa boşlagan. Haftada 5 marta, özbek va rus tillarida çop etiladi. Özbekiston Respublikasi Oliy Majlisi, uning organlari, Vazirlar Mahkamasi hamda mahalliy vakillik va ijro etuvçi hokimiyat organlari faoliyatini, mamlakatimizda va xorijda röy berayotgan siyosiy, ijtimoiy-iqtisodiy, ma'naviy-axloqiy jarayonlarni xolis va beğaraz yoritiş tahririyatning asosiy vazifasi hisoblanadi.
Mustaqillikni avaylab-asraş, mustahkamlaşning asosiy şarti — fuqarolarning siyosiy ongini oşiriş, bir butun millat, xalq sifatida şakllantiriş, Vatanga muhabbat, ajdodlarimizning qahramonona an'analariga sadoqat ruhida tarbiyalaş, hurfikrlilik, milliy iftixor, vatanparvarlik, erkinlik va ozodlikni eng uluğ ne'mat deb biliş gaz.ning muhim yönalişidir.
Gaz. vazirliklar, idoralar, korporatsiyalar, konsernlar, kompaniyalar, qöşma korxonalar, çet el vakolatxonalari va b. muassasalar bilan kelişuv va şartnomalarga muvofiq faoliyatning turli sohalariga oid axborotlarni, davlat, tijorat tizimlari va xususiy şaxslarning reklama hamda e'lonlarini bosib çiqaradi. Asosiy ruknlari: «Kuçli davlatdan — kuçli jamiyat sari», «Oliy Majlisda», «Parlament nazorati», «Farmon va ijro», «Ogohlik», «Bugunning gapi», «Islohot odimlari», «Sudhuquq islohoti», «Ta'lim va islohot», «Dolzarb mavzu», «Bevosita muloqot», «Kuç — bilim va tafakkurda», «Ma'rifat soati», «Olam nafasi», «Jurnalist suriştiruvi», «Bir xat izidan» va b. Adadi 34000 (2004). Boş muharriri Abbosxon Usmonov (1997 y.dan).
Asl matn (kirill, PDF'dagidek)
«ХАЛҚ СЎЗИ» («Народное слово») — оммавий ижтимоий-сиёсий газета. Муассиси — Ўзбекистон Республикаси Олий Мажлиси ва Ўзбекистон Республикаси Вазирлар Махкамаси. 1991 й. 1 янв.дан чиқа бошлаган. Ҳафтада 5 марта, ўзбек ва рус тилларида чоп этилади. Ўзбекистон Республикаси Олий Мажлиси, унинг органлари, Вазирлар Маҳкамаси ҳамда маҳаллий вакиллик ва ижро этувчи ҳокимият органлари фаолиятини, мамлакатимизда ва хорижда рўй бераётган сиёсий, ижтимоий-иқтисодий, маънавий-ахлоқий жараёнларни холис ва беғараз ёритиш таҳририятнинг асосий вазифаси ҳисобланади.
Мустақилликни авайлаб-асраш, мустаҳкамлашнинг асосий шарти — фуқароларнинг сиёсий онгини ошириш, бир бутун миллат, халқ сифатида шакллантириш, Ватанга муҳаббат, аждодларимизнинг қаҳрамонона анъаналарига садоқат руҳида тарбиялаш, ҳурфикрлилик, миллий ифтихор, ватанпарварлик, эркинлик ва озодликни энг улуғ неъмат деб билиш газ.нинг муҳим йўналишидир.
Газ. вазирликлар, идоралар, корпорациялар, концернлар, компаниялар, қўшма корхоналар, чет эл ваколатхоналари ва б. муассасалар билан келишув ва шартномаларга мувофиқ фаолиятнинг турли соҳаларига оид ахборотларни, давлат, тижорат тизимлари ва хусусий шахсларнинг реклама ҳамда эълонларини босиб чиқаради. Асосий рукнлари: «Кучли давлатдан — кучли жамият сари», «Олий Мажлисда», «Парламент назорати», «Фармон ва ижро», «Огоҳлик», «Бугуннинг гапи», «Ислоҳот одимлари», «Судҳуқуқ ислоҳоти», «Таълим ва ислоҳот», «Долзарб мавзу», «Бевосита мулоқот», «Куч — билим ва тафаккурда», «Маърифат соати», «Олам нафаси», «Журналист суриштируви», «Бир хат изидан» ва б. Адади 34000 (2004). Бош муҳаррири Аббосхон Усмонов (1997 й.дан).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.