Xalqaro taraqqiyot uyuşmasi
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 49-b. — ziyouz.com
Xalqaro taraqqiyot uyuşmasi XALQARO TARAQQIYOT UYUŞMASI, XTU (IDA, International Development Assocation) — BMTning ixtisoslaşgan muassasasi, Jaxon banki guruhiga kiradi. 1960 y.da Xalqaro tiklaniş va taraqqiyot banki (XTTB)ning filiali tarzida taşkil etilgan. 160 davlat a'zo. Boşqaruvi va ştabkvartirasi XTTB bilan yagona, Vaşingtonda joylaşgan.
Uyuşmaning rasmiy maqsadlari: eng kambağal mamlakatlarga foizsiz kreditlar ajratiş yöli bilan ularning iqtisodiy rivojlanişiga yordam körsatiş. Bunday mamlakatlarga aholi jon boşiga yillik yalpi içki mahsulot 925 dollardan ortiq bölmagan (1997) davlatlar kiradi. Bu mezon asosida XTU dan qarz olişi mumkin bölgan mamlakatlar soni 70 ga yaqin; XTU kreditlari Jahon banki beradigan jami qarzlarning 1/4 qismini taşkil etadi va faqat hukumatlarga beriladi. Uyuşma kambağal mamlakatlarga 35—40 yilga foizsiz kreditlar (ulardan ma'muriy xarajatlarni qoplaş uçun yillik 0,75% miqdorida komission haq olinadi) beradi. Qarzlarni qaytariş 10 yillik imtiyozli davrdan keyin boşlanadi. 1998 y. örtalarida XTU kreditlari 109,1 mlrd. dollarni taşkil etadi. 1998 moliya yilida 19 mamlakatga umumiy mikdori 7,5 mlrd. dollar bölgan 67 ta qarz ajratdi.
Xöjayor Şennayev.
Asl matn (kirill, PDF'dagidek)
ХАЛҚАРО ТАРАҚҚИЁТ УЮШМАСИ, ХТУ (IDA, International Development Assocation) — БМТнинг ихтисослашган муассасаси, Жахон банки гуруҳига киради. 1960 й.да Халқаро тикланиш ва тараққиёт банки (ХТТБ)нинг филиали тарзида ташкил этилган. 160 давлат аъзо. Бошқаруви ва штабквартираси ХТТБ билан ягона, Вашингтонда жойлашган.
Уюшманинг расмий мақсадлари: энг камбағал мамлакатларга фоизсиз кредитлар ажратиш йўли билан уларнинг иқтисодий ривожланишига ёрдам кўрсатиш. Бундай мамлакатларга аҳоли жон бошига йиллик ялпи ички маҳсулот 925 доллардан ортиқ бўлмаган (1997) давлатлар киради. Бу мезон асосида ХТУ дан қарз олиши мумкин бўлган мамлакатлар сони 70 га яқин; ХТУ кредитлари Жаҳон банки берадиган жами қарзларнинг 1/4 қисмини ташкил этади ва фақат ҳукуматларга берилади. Уюшма камбағал мамлакатларга 35—40 йилга фоизсиз кредитлар (улардан маъмурий харажатларни қоплаш учун йиллик 0,75% миқдорида комиссион ҳақ олинади) беради. Қарзларни қайтариш 10 йиллик имтиёзли даврдан кейин бошланади. 1998 й. ўрталарида ХТУ кредитлари 109,1 млрд. долларни ташкил этади. 1998 молия йилида 19 мамлакатга умумий микдори 7,5 млрд. доллар бўлган 67 та қарз ажратди.
Хўжаёр Шеннаев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.