Xalqlar döstligi saroyi
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 56–57-b. — ziyouz.com
Xalqlar döstligi saroyi - Toşkent ş.dagi madaniyat markazlaridan biri; turli tadbirlar (syezd, qurultoy, festival va b.) ötkaziş, konsertlar berişga möljallangan. 1981 y.da oçilgan (me'mori Ye.Bukina, S.Odilov, Ye. Rozanov, Ye.Suxanova, F. Tursunov, V.Şestopalov, Ye.Şumov va b.). Bino qiyofasi va bezaklarida milliy me'morlikka xos bölgan muqarnasga öxşaş şakllardan foydalanilgan; binoni bezaşda mahalliy xom aşyolar, Nurota va Ğozğon marmarlari işlatilgan. Bino tarhi törtburçak şaklda, tarzlariga işlangan quyoş nurini tösadigan jimjimador şakllar binoga salobat, kiraverişdagi bal. peştoqlar körk baxş etgan. Bino tepasiga sirti marmar bilan qoplangan muqarnasni eslatuvçi yirik yiğma temirbeton qurilmalar örnatilgan. Bino mujassamoti markazida balkonli, amfiteatr şaklidagi 4 ming örinli zal turadi (bir oz qiyaroq yon devorlari tomoşalarni yaxşi köriş hamda eşitiş imkonini beradi). Sahna maxsus qurilmalar (kötarilibtuşiriladigan supalar, prezidium, sahna va xor supalarini sahnada siljitişga imkon beradigan transportyor, dekoratsiyalarni kötaribtuşiradigan ştanketlar, keng formatli ekran) bilan jihozlangan. Zalda kinotovuş texnikasi hamda matnni bir yöla 8 tilga tarjima qiliş apparatlari, maxsus texnologik aloqa tizimi bor. Vestibyul tabiiy toşlardan işlangan «Xalqlar döstligi», «Bayram», «Gullagan ölka» mozaikalari (rassom A.Buxorboyev) bilan bezatilgan. Prezidium zali gobelen (rassom B. Jalolov), tomoşa zali «San'at» mozaikasi (rassom V.Burmakin, R.Nemirovskiy), yoğoç öymakorligi (usta Q.Haydarov, O.Fayzullayev), banket zali bezaklari (rassom J. Hakimov, A.Ilhomov), yon devorlari sopol laganlar (rassom A.Kedrin) bilan ziynatlangan. Feruza rangli ulkan koşinkori (Toşkent çinni zavodida tayyorlangan) devor saroy interyeriga alohida joziba baxş etgan.
Asl matn (kirill, PDF'dagidek)
ХАЛҚЛАР ДЎСТЛИГИ САРОЙИ - Тошкент ш.даги маданият марказларидан бири; турли тадбирлар (съезд, қурултой, фестиваль ва б.) ўтказиш, концертлар беришга мўлжалланган. 1981 й.да очилган (меъмори Е.Букина, С.Одилов, Е. Розанов, Е.Суханова, Ф. Турсунов, В.Шестопалов, Е.Шумов ва б.). Бино қиёфаси ва безакларида миллий меъморликка хос бўлган муқарнасга ўхшаш шакллардан фойдаланилган; бинони безашда маҳаллий хом ашёлар, Нурота ва Ғозғон мармарлари ишлатилган. Бино тарҳи тўртбурчак шаклда, тарзларига ишланган қуёш нурини тўсадиган жимжимадор шакллар бинога салобат, кираверишдаги бал. пештоқлар кўрк бахш этган. Бино тепасига сирти мармар билан қопланган муқарнасни эслатувчи йирик йиғма темирбетон қурилмалар ўрнатилган. Бино мужассамоти марказида балконли, амфитеатр шаклидаги 4 минг ўринли зал туради (бир оз қияроқ ён деворлари томошаларни яхши кўриш ҳамда эшитиш имконини беради). Саҳна махсус қурилмалар (кўтарилибтушириладиган супалар, президиум, саҳна ва хор супаларини саҳнада силжитишга имкон берадиган транспортёр, декорацияларни кўтарибтуширадиган штанкетлар, кенг форматли экран) билан жиҳозланган. Залда кинотовуш техникаси ҳамда матнни бир йўла 8 тилга таржима қилиш аппаратлари, махсус технологик алоқа тизими бор. Вестибюль табиий тошлардан ишланган «Халқлар дўстлиги», «Байрам», «Гуллаган ўлка» мозаикалари (рассом А.Бухорбоев) билан безатилган. Президиум зали гобелен (рассом Б. Жалолов), томоша зали «Санъат» мозаикаси (рассом В.Бурмакин, Р.Немировский), ёғоч ўймакорлиги (уста Қ.Ҳайдаров, О.Файзуллаев), банкет зали безаклари (рассом Ж. Ҳакимов, А.Илҳомов), ён деворлари сопол лаганлар (рассом А.Кедрин) билан зийнатланган. Феруза рангли улкан кошинкори (Тошкент чинни заводида тайёрланган) девор сарой интерьерига алоҳида жозиба бахш этган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.