Xayridlin Madriddinoviç Sultonov
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 718-b. — ziyouz.com
Sultonov Xayridlin Madriddinoviç (1956.15.1, Toşkent viloyati Qibray tumani Tuzel qişloği) — yozuvçi, publitsist. Toşkent un-tining jurnalistika ftini tugatgan (1978). «Guliston» (1974—80) va «Yoşlik» (1982—85) jurnalilarida adabiy xodim, bölim mudiri, Ğafur Ğulom nomidagi Adabiyot va san'at naşriyotida muharrir (1980— 82), boş muharrir (1985-93). 1993 y.dan Özbekiston Respublikasi Prezidenti devonida mas'ul xodim, 2001 y.dan Prezidentning Davlat maslahatçisi.
S. özining oçerk, hikoya va qissalarida, asosan, zamondoşlari hayotiga murojaat etib, ularning ruhiy olamidagi insoniy gözallikni, sodda, pokiza, mehnatkaş kişilarning yaxlit obrazlarini yaratgan. S. tarixiy mavzularga ham murojaat etib, Navoiy, Uluğbek, Bobur, Abdulla Qodiriyga bağişlangan asarlar yezdi («Boburning tuşlari», qissa va xikoyalar). Bobur nomidagi Xalqaro ilmiy ekspeditsiya a'zolari bilan birga qilgan safari taassurotlari asosida esa «Boburiynoma» ma'rifiy romanini yaratdi. S. mazkur asari bilan özbek adabiyotida ma'rifiy roman janrini boşlab berdi. Asarlari nafis lirizm, tasvir madaniyati, tilining mayin, şirali va ranginligi bilan ajralib turadi. S. dramaturgiya va kinodramaturgiya sohalarida ham qalam tebratib, «Çangak», Abdulla Qodiriyga bağişlangan «Moziydan bir sahifa» videofilmlari, şuningdek, yozuvçining romani asosida köp seriyali «Mehrobdan çayon» videofilmi ssenariysini yaratdi. Uning «Tuşlarimda körib yiğlayman» va «Yozning yolğiz yodgori» ssenariylari asosida badiiy filmlar suratga olingan. «Sarhovuzning böylarida» (1992) pyesasi muallifi. A.SentEkzyuperi, Yu.Nagibin va V.Şukşinning hikoya hamda qissalarini özbek tiliga tarjima qilgan. Ikkinçi çaqiriq Özbekiston Respublikasi Oliy Majlisi deputata. «Şuhrat» medali (1996), «Mehnat şuhrati» ordeni bilan mukofotlangan (2003).
Asl matn (kirill, PDF'dagidek)
СУЛТОНОВ Хайридлин Мадриддинович (1956.15.1, Тошкент вилояти Қибрай тумани Тузел қишлоғи) — ёзувчи, публицист. Тошкент ун-тининг журналистика фтини тугатган (1978). «Гулистон» (1974—80) ва «Ёшлик» (1982—85) журналиларида адабий ходим, бўлим мудири, Ғафур Ғулом номидаги Адабиёт ва санъат нашриётида муҳаррир (1980— 82), бош муҳаррир (1985-93). 1993 й.дан Ўзбекистон Республикаси Президенти девонида масъул ходим, 2001 й.дан Президентнинг Давлат маслаҳатчиси.
С. ўзининг очерк, ҳикоя ва қиссаларида, асосан, замондошлари ҳаётига мурожаат этиб, уларнинг руҳий оламидаги инсоний гўзалликни, содда, покиза, меҳнаткаш кишиларнинг яхлит образларини яратган. С. тарихий мавзуларга ҳам мурожаат этиб, Навоий, Улуғбек, Бобур, Абдулла Қодирийга бағишланган асарлар езди («Бобурнинг тушлари», қисса ва хикоялар). Бобур номидаги Халқаро илмий экспедиция аъзолари билан бирга қилган сафари таассуротлари асосида эса «Бобурийнома» маърифий романини яратди. С. мазкур асари билан ўзбек адабиётида маърифий роман жанрини бошлаб берди. Асарлари нафис лиризм, тасвир маданияти, тилининг майин, ширали ва рангинлиги билан ажралиб туради. С. драматургия ва кинодраматургия соҳаларида ҳам қалам тебратиб, «Чангак», Абдулла Қодирийга бағишланган «Мозийдан бир саҳифа» видеофильмлари, шунингдек, ёзувчининг романи асосида кўп серияли «Меҳробдан чаён» видеофильми сценарийсини яратди. Унинг «Тушларимда кўриб йиғлайман» ва «Ёзнинг ёлғиз ёдгори» сценарийлари асосида бадиий фильмлар суратга олинган. «Сарҳовузнинг бўйларида» (1992) пьесаси муаллифи. А.СентЭкзюпери, Ю.Нагибин ва В.Шукшиннинг ҳикоя ҳамда қиссаларини ўзбек тилига таржима қилган. Иккинчи чақириқ Ўзбекистон Республикаси Олий Мажлиси депутата. «Шуҳрат» медали (1996), «Меҳнат шуҳрати» ордени билан мукофотланган (2003).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.