Xayrobod eşon majmuasi
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 11-b. — ziyouz.com
Xayrobod eşon majmuasi — Toşkent ş.dagi me'moriy yodgorlik (16—20-a. boşlari). Xayrobod eşon mablağiga usta Qoraxöja rahbarligida bunyod etilgan. Majmua şarqqa qaratib yonmayon qurilgan, tomi gumbazlar bilan yopilgan masjid, maqbara, hovuzli hovlidan iborat. Maqbara trapetsiya tarhli (7,5x7,7 m), bezaksiz, pişiq ğiştdan ganç qorişmasida barpo etilgan. Boş tarziga devor sathidan 80 sm börttirib unça katta bölmagan peştoq işlangan, gumbazi ravoklar şaklidagi bağallarga örnatilgan, içki devorlarida sayoz ravoqli taxmonlar bor, ğarbiy devoridagi tuynuk orqali xonaga yoruğlik tuşib turadi. Maqbara eşigi yoğoç panjara şaklida, tobadoniga yoğoç öymakorligida panjara işlangan. Masjid törtburçak xonali (12,5x 16,5 m), oldi va şim. tomonidan ustunli ayvonlar bilan tutaşgan. Masjidning içki devorlariga taxmonlar va odam böyi balandligida gir aylana navoli tokçalar işlangan. Jan. devoridagi 2 ta deraza taşki tarafdan buklama yoğoç pardaderaza bilan berkitiladi. Ayvonlar tomi tekis, toqili şifti bir neça bölaklarga bölinib, islimiy naqşlar bilan turli ranglarda jozibador bezatilgan. 20-a.da ta'mirlangan. Hovuz saqlanmagan.
Asl matn (kirill, PDF'dagidek)
ХАЙРОБОД ЭШОН МАЖМУАСИ — Тошкент ш.даги меъморий ёдгорлик (16—20-а. бошлари). Хайробод эшон маблағига уста Қорахўжа раҳбарлигида бунёд этилган. Мажмуа шарққа қаратиб ёнмаён қурилган, томи гумбазлар билан ёпилган масжид, мақбара, ҳовузли ҳовлидан иборат. Мақбара трапеция тарҳли (7,5x7,7 м), безаксиз, пишиқ ғиштдан ганч қоришмасида барпо этилган. Бош тарзига девор сатҳидан 80 см бўрттириб унча катта бўлмаган пештоқ ишланган, гумбази равоклар шаклидаги бағалларга ўрнатилган, ички деворларида саёз равоқли тахмонлар бор, ғарбий деворидаги туйнук орқали хонага ёруғлик тушиб туради. Мақбара эшиги ёғоч панжара шаклида, тобадонига ёғоч ўймакорлигида панжара ишланган. Масжид тўртбурчак хонали (12,5х 16,5 м), олди ва шим. томонидан устунли айвонлар билан туташган. Масжиднинг ички деворларига тахмонлар ва одам бўйи баландлигида гир айлана наволи токчалар ишланган. Жан. деворидаги 2 та дераза ташки тарафдан буклама ёғоч пардадераза билан беркитилади. Айвонлар томи текис, тоқили шифти бир неча бўлакларга бўлиниб, ислимий нақшлар билан турли рангларда жозибадор безатилган. 20-а.да таъмирланган. Ҳовуз сақланмаган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.