Xöjamberdibiy madrasasi
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 304-b. — ziyouz.com
Xöjamberdibiy madrasasi — Xivadagi me'moriy yodgorlik (1688, 1834); Içan qal'ada, Polvon darvoza yaqinida. Dastlab tarkibida masjid, 10—12 hujrali, bir hovlili qilib törtburçak tarhli (20x38 m) Xöjamberdibiy madrasasi qurilgan. 1834 y. Olloqulixon madrasasi qurilişi munosabati bilan Madrasa ikki hovlili qilib qayta qurilgan: şakli xurjunga öxşagani uçun «Xurjun Madrasa» deb ham atalgan. Avvalgi madrasadan masjid va unga yondoş hujralar saqlangan. Bir gumbazli oddiy darvozaxona (3,0x3,0 m) dan hovlilarga hamda Olloqulixon madrasasiga olib boruvçi yölak (pandus)ga ötiladi. Şim. hovlida (11,7x9,8 m) 10 ta hujra va jan. hovlida (4x7 m) 6 ta hujra hamda darsxona (3,5x3,5 m) joylaşgan; darsxona devoriga işlangan mehrob undan masjid sifatida foydalanilganini körsatadi. Bino qiyofasi Olloqulixon madrasasi me'moriy şakliga yaqinlaştirilgan, hujralar pastqam, balxi gumbazli, sodda bezaksiz; faqat eşik yoğoç öymakorligida ziynatlangan.
Asl matn (kirill, PDF'dagidek)
ХЎЖАМБЕРДИБИЙ МАДРАСАСИ — Хивадаги меъморий ёдгорлик (1688, 1834); Ичан қалъада, Полвон дарвоза яқинида. Дастлаб таркибида масжид, 10—12 ҳужрали, бир ҳовлили қилиб тўртбурчак тарҳли (20x38 м) Хўжамбердибий мадрасаси қурилган. 1834 й. Оллоқулихон мадрасаси қурилиши муносабати билан Мадраса икки ҳовлили қилиб қайта қурилган: шакли хуржунга ўхшагани учун «Хуржун Мадраса» деб ҳам аталган. Аввалги мадрасадан масжид ва унга ёндош ҳужралар сақланган. Бир гумбазли оддий дарвозахона (3,0x3,0 м) дан ҳовлиларга ҳамда Оллоқулихон мадрасасига олиб борувчи йўлак (пандус)га ўтилади. Шим. ҳовлида (11,7x9,8 м) 10 та ҳужра ва жан. ҳовлида (4x7 м) 6 та ҳужра ҳамда дарсхона (3,5x3,5 м) жойлашган; дарсхона деворига ишланган меҳроб ундан масжид сифатида фойдаланилганини кўрсатади. Бино қиёфаси Оллоқулихон мадрасаси меъморий шаклига яқинлаштирилган, ҳужралар пастқам, балхи гумбазли, содда безаксиз; фақат эшик ёғоч ўймакорлигида зийнатланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.