Xonobod
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 187-b. — ziyouz.com
Xonobod (1972—91 y.larda Sovetobod) — Andijon viloyatidagi şahar (1972 y.dan). Qoradaryoning öng sohilida. T.y. stansiyasi (Xonobod). Viloyatning şarqida joylaşgan. Viloyat markazi (Andijon ş.) dan 80 km. Aholisi 35,9 ming kişi (2004).
Qöqon xonligi davrida bu hudud «Beşkapa» deb yuritilgan. Mahalliy rivoyatga köra, Qöqon xonlari X. atrofidagi töqayzorlarga kelib şikor uyuştirib dam olişni xuş körganlar. Şu bois bu hudud obodonlaştirilgan (şahar nomi şundan). 1969 y. Qoradaryoda Andijon suv ombori qurilişining boşlanişi bilan X.da aholi soni köpaydi. Şaharda «Suv quriliş jihozlari», «Andijon GES», «Elektronika», «Tarandubitel» korxonalari, 2 avtokorxona, «XonBugda», «ÖzKOJI», «Andijonkabel» qöşma korxonalari faoliyat körsatadi. Aloqa uyi, «Xotira maydoni», 2-jahon uruşi qurbonlari xotirasiga bağişlangan yodgorlik, Alişer Navoiy va Bobur nomidagi madaniyat va istirohat boğlari, Fozilmonota ziyoratgoxi, raqs va kulgi maydoni mavjud.
«Andijon suv ombori» muzeyi, 6 kutubxona, 4 kasb-hunar (sanoat, maişiy xizmat, kompyuter, ped.) kolleji işlab turibdi. Markaziy kasalxona, bolalar poliklinikasi, tuğruqxona va b. tibbiy muassasalar (200 örin) aholiga xizmat körsatadi. Tez tibbiy yordam bölimi, Sultonobod, Xidirşa qişloq vraçlik punktlari bor. Şahar hududidan mahalliy ahamiyatdagi Andijon — Xonobod avtotrassasi va Öş — Bişkek xalqaro avtomobil trakti ötgan.
Asl matn (kirill, PDF'dagidek)
ХОНОБОД (1972—91 й.ларда Советобод) — Андижон вилоятидаги шаҳар (1972 й.дан). Қорадарёнинг ўнг соҳилида. Т.й. станцияси (Хонобод). Вилоятнинг шарқида жойлашган. Вилоят маркази (Андижон ш.) дан 80 км. Аҳолиси 35,9 минг киши (2004).
Қўқон хонлиги даврида бу ҳудуд «Бешкапа» деб юритилган. Маҳаллий ривоятга кўра, Қўқон хонлари X. атрофидаги тўқайзорларга келиб шикор уюштириб дам олишни хуш кўрганлар. Шу боис бу ҳудуд ободонлаштирилган (шаҳар номи шундан). 1969 й. Қорадарёда Андижон сув омбори қурилишининг бошланиши билан Х.да аҳоли сони кўпайди. Шаҳарда «Сув қурилиш жиҳозлари», «Андижон ГЭС», «Электроника», «Тарандубитель» корхоналари, 2 автокорхона, «ХонБугда», «ЎзКОЖИ», «Андижонкабель» қўшма корхоналари фаолият кўрсатади. Алоқа уйи, «Хотира майдони», 2-жаҳон уруши қурбонлари хотирасига бағишланган ёдгорлик, Алишер Навоий ва Бобур номидаги маданият ва истироҳат боғлари, Фозилмонота зиёратгохи, рақс ва кулги майдони мавжуд.
«Андижон сув омбори» музейи, 6 кутубхона, 4 касб-ҳунар (саноат, маиший хизмат, компьютер, пед.) коллежи ишлаб турибди. Марказий касалхона, болалар поликлиникаси, туғруқхона ва б. тиббий муассасалар (200 ўрин) аҳолига хизмат кўрсатади. Тез тиббий ёрдам бўлими, Султонобод, Хидирша қишлоқ врачлик пунктлари бор. Шаҳар ҳудудидан маҳаллий аҳамиятдаги Андижон — Хонобод автотрассаси ва Ўш — Бишкек халқаро автомобиль тракти ўтган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.