Asosiy mazmunga ötiş
Qidiriş…Ctrl K

    Şrift ölçami

    Xorazmşoh Sultonşoh

    Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 720-b. — ziyouz.com

    Sultonşoh Xorazmşoh SULTONŞOH Xorazmşoh, Sultonşoh Mahmud, Jaloliddin Mahmud Sultonşoh (? — 1193.19.9) — Anuşteginiylar sulolasidan bölgan Xorazmşohlar davlati şahzodasi(1172—93). Elarslon va Turkon xotunning kenja öğli. S.ning akasi Takaş Jand viloyatida voliy bölib turgani uçun otasi ölimi oldidan S.ni valiaxd etib tayinlagan. Ammo, davlat va harbiy işlarga uning onasi Turkon xotun boş bölgan. Takaş S.ga böysunişdan boş tortgan, u qoraxitoylar yordamida Gurganjga qöşin tortgan. S. onasi bilan Nişopurga qoçib borib Muayyid addavla OyAbo quzuridan panoh topgan. 1172 y. 11 dek.da Takaş rasman Xorazm taxtiga ötirgan, birok, S. bilan Takaş örtasidagi kuraş yana 20 y. davom etgan. S. Xurosondagi bir qança viloyat, şaharlarni egallab, Marv ş.ni öziga qarorgoh qilgan. U Takaşga qarşi kuraşda goh qoraxitoylardan, goh ğuriylardan kömak olib turgan.

    Ad.: Buniyodov 3., Anuştegin xorazmşohlar davlati (1097-1231), T., 1998.

    Asl matn (kirill, PDF'dagidek)

    СУЛТОНШОҲ Хоразмшоҳ, Султоншоҳ Маҳмуд, Жалолиддин Маҳмуд Султоншоҳ (? — 1193.19.9) — Ануштегинийлар сулоласидан бўлган Хоразмшоҳлар давлати шаҳзодаси(1172—93). Эларслон ва Туркон хотуннинг кенжа ўғли. С.нинг акаси Такаш Жанд вилоятида волий бўлиб тургани учун отаси ўлими олдидан С.ни валиахд этиб тайинлаган. Аммо, давлат ва ҳарбий ишларга унинг онаси Туркон хотун бош бўлган. Такаш С.га бўйсунишдан бош тортган, у қорахитойлар ёрдамида Гурганжга қўшин тортган. С. онаси билан Нишопурга қочиб бориб Муаййид аддавла ОйАбо қузуридан паноҳ топган. 1172 й. 11 дек.да Такаш расман Хоразм тахтига ўтирган, бирок, С. билан Такаш ўртасидаги кураш яна 20 й. давом этган. С. Хуросондаги бир қанча вилоят, шаҳарларни эгаллаб, Марв ш.ни ўзига қароргоҳ қилган. У Такашга қарши курашда гоҳ қорахитойлардан, гоҳ ғурийлардан кўмак олиб турган.

    Ад.: Буниёдов 3., Ануштегин хоразмшоҳлар давлати (1097-1231), Т., 1998.

    Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.