Xorionepitelioma
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 237-b. — ziyouz.com
Xorionepitelioma (xorion, epiteliy va yun. oma—ösma) — homila tuxumi tukli pardasi (xorion) epiteliysidan yuzaga keladigan xavfli ösma. Yoş (25—35 yaşar) ayollarda uçraydi. Köpinça homiladorlik davrida, tuğruq, abortdan keyin yelböğozd&n paydo böladi. Odatda, X. baçadonda hosil böladi, keyinçalik öpka, boş miya, qin, jigar va b. a'zolarga juda tez metastaz beradi. Asosiy belgilari: ayol jinsiy a'zolaridan qon yoki serozqon aralaş oqçil keladi (bu homiladorlik, tuğruq va hatto klimaks davrida ham kuzatiladi). Keyinçalik töxtovsiz qon ketadi, bemor ozib (kaxeksiya), kamqon (anemiya) bölib qoladi. Davo, asosan, bemorning umumiy ahvoliga qarab olib boriladi (kimyoterapiya, gormonoterapiya, jarrohlik usuli va b.).
Asl matn (kirill, PDF'dagidek)
ХОРИОНЭПИТЕЛИОМА (хорион, эпителий ва юн. oma—ўсма) — ҳомила тухуми тукли пардаси (хорион) эпителийсидан юзага келадиган хавфли ўсма. Ёш (25—35 яшар) аёлларда учрайди. Кўпинча ҳомиладорлик даврида, туғруқ, абортдан кейин елбўғозд&н пайдо бўлади. Одатда, X. бачадонда ҳосил бўлади, кейинчалик ўпка, бош мия, қин, жигар ва б. аъзоларга жуда тез метастаз беради. Асосий белгилари: аёл жинсий аъзоларидан қон ёки серозқон аралаш оқчил келади (бу ҳомиладорлик, туғруқ ва ҳатто климакс даврида ҳам кузатилади). Кейинчалик тўхтовсиз қон кетади, бемор озиб (кахексия), камқон (анемия) бўлиб қолади. Даво, асосан, беморнинг умумий аҳволига қараб олиб борилади (кимётерапия, гормонотерапия, жарроҳлик усули ва б.).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.