Asosiy mazmunga ötiş
Qidiriş…Ctrl K

    Şrift ölçami

    Xoşimin

    Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 245-b. — ziyouz.com

    Xoşimin (1976 y.gaça Saygon) Vyetnamdagi şahar. Atrofi bilan markazga böysunuvçi alohida ma'muriy birlikni taşkil etadi. Aholisi 3,6 mln. kişi (1996). Transport yöllari çorrahasi. Saygon daryosi böyidagi port (Jan. Xitoy dengizidan 80 km içkarida). Aeroporti xalqaro ahamiyatga ega. Oziq-ovqat, könteri, töqimaçilik sanoatlari rivojlangan. Maşinasozlik (xususan, kemasozlik) va metallsozlik, tayyor kismlardan elektrotexnika va radiotexnika buyumlari yiğiş, kimyo (kauçuk), sement, yoğoçsozlik korxonalari mavjud. Baliq ovlaş markazi. Badiiy hunarmandçilik, kulolçilik rivojlangan. universitet, muzeylar, ilmiy tadqiqot intlari, Milliy kutubxona va b. bor.

    Şaharga 1779 y.da xitoylik savdogarlar Tangon (vyetnamça Saygon) nomi bilan asos solganlar. 1864 y.dan Saygon Fransiya mustamlakasi Kohinhin (Jan. Vyetnam)ning ma'muriy markazi. 1954 y. iyuldan hukumat qarorgohi. 1976 y.dan şahar Şim. Vyetnam siyosiy arbobi Xo Şi Min şarafiga X. deb ataldi. Saloy va VinNgiyem budda pagodalari va b. 18-a.da qurilgan me'moriy yodgorliklari saklangan.

    Asl matn (kirill, PDF'dagidek)

    ХОШИМИН (1976 й.гача Сайгон) Вьетнамдаги шаҳар. Атрофи билан марказга бўйсунувчи алоҳида маъмурий бирликни ташкил этади. Аҳолиси 3,6 млн. киши (1996). Транспорт йўллари чорраҳаси. Сайгон дарёси бўйидаги порт (Жан. Хитой денгизидан 80 км ичкарида). Аэропорти халқаро аҳамиятга эга. Озиқ-овқат, кўнтери, тўқимачилик саноатлари ривожланган. Машинасозлик (хусусан, кемасозлик) ва металлсозлик, тайёр кисмлардан электротехника ва радиотехника буюмлари йиғиш, кимё (каучук), цемент, ёғочсозлик корхоналари мавжуд. Балиқ овлаш маркази. Бадиий ҳунармандчилик, кулолчилик ривожланган. университет, музейлар, илмий тадқиқот интлари, Миллий кутубхона ва б. бор.

    Шаҳарга 1779 й.да хитойлик савдогарлар Тангон (вьетнамча Сайгон) номи билан асос солганлар. 1864 й.дан Сайгон Франция мустамлакаси Коҳинҳин (Жан. Вьетнам)нинг маъмурий маркази. 1954 й. июлдан ҳукумат қароргоҳи. 1976 й.дан шаҳар Шим. Вьетнам сиёсий арбоби Хо Ши Мин шарафига X. деб аталди. Салой ва ВиньНгием будда пагодалари ва б. 18-а.да қурилган меъморий ёдгорликлари сакланган.

    Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.