Xotta Yoşie
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 243-b. — ziyouz.com
Xotta Yoşie (1918.17.7, Toyama 1998.5.9, Yokoxama) — yapon yozuvçisi. Keyo universitetining fransuz adabiyoti bölimini tugatgan (1942). Talabalik yillarida şe'rlar yozgan. 1945 y.da Xitoyga madaniy faoliyat uçun yuborilgan va Şanxayda yapon yozuvçilari bilan tanişgan. Yaponiyaga qaytgaç, Xitoyda orttirgan tajribasiga asoslanib, «Tölkin ostida» (1948), «Vatandan ayriliş» (1950) va b. romanlarini yozgan. «Vatan xoini» (1951) va «Maydon yolğizligi» (1951) romanlari ham bor. «Maydon yolğizligi» romanida yapon ziyolilari, uning Koreya uruşi paytida paydo bölayotgan militarizmga nisbatan taşvişlari aks etgan. 1977 y.dan Ispaniyada yaşagan. 1978 y. Toşkentga kelgan. X.ning iste'dodi uning ijtimoiy romanlarida yaqqol közga taşlanadi. Yaponiyaning 1939—45 y.lardagi, 2-jahon uruşining sönggi yillari va uruşdan keyingi dastlabki yillardagi faoliyati «Haykal» (1955) romanida keng talqin qilingan, Xirosima fojiasi va uruşning ma'naviy asoratlari muammosi «Sud» (1960—63) va «Köprikdagi manzara» (1970) romanlarida öz aksini topgan. «Goya» (4 jiddli, 1974—77) asari ham bor.
Asl matn (kirill, PDF'dagidek)
ХОТТА Ёшиэ (1918.17.7, Тояма 1998.5.9, Ёкохама) — япон ёзувчиси. Кейо университетининг француз адабиёти бўлимини тугатган (1942). Талабалик йилларида шеърлар ёзган. 1945 й.да Хитойга маданий фаолият учун юборилган ва Шанхайда япон ёзувчилари билан танишган. Японияга қайтгач, Хитойда орттирган тажрибасига асосланиб, «Тўлкин остида» (1948), «Ватандан айрилиш» (1950) ва б. романларини ёзган. «Ватан хоини» (1951) ва «Майдон ёлғизлиги» (1951) романлари ҳам бор. «Майдон ёлғизлиги» романида япон зиёлилари, унинг Корея уруши пайтида пайдо бўлаётган милитаризмга нисбатан ташвишлари акс этган. 1977 й.дан Испанияда яшаган. 1978 й. Тошкентга келган. Х.нинг истеъдоди унинг ижтимоий романларида яққол кўзга ташланади. Япониянинг 1939—45 й.лардаги, 2-жаҳон урушининг сўнгги йиллари ва урушдан кейинги дастлабки йиллардаги фаолияти «Ҳайкал» (1955) романида кенг талқин қилинган, Хиросима фожиаси ва урушнинг маънавий асоратлари муаммоси «Суд» (1960—63) ва «Кўприкдаги манзара» (1970) романларида ўз аксини топган. «Гоя» (4 жиддли, 1974—77) асари ҳам бор.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.