Xristof Villibald Glyuk
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 368-b. — ziyouz.com
Glyuk Xristof Villibald GLYUK (Gluck) Xristof Villibald (1714.2.7, Erasbax, Bavariya — 1787.15.11, Vena) — avstriya kompozitori, musiqiy klassitsizmning yirik vakili. 1752 y.dan asosan Venada yaşab, saroy operasida dirijyor va kompozitor bölgan. Vena klassik maktabining ilk opera islohotçisi sifatida «Orfey va Evridika» (1762), «Alsesta» (1767), «Ifigeniya Tavridada» (1779) kabi 100 dan ortiq operalarini yaratdi. Bularning eng yetuklari ğoyaviy va badiiy mazmundor, ifodaviy vositalari xilma-xil bölib, qahramonlarning kuçli his-tuyğulari, matonatli xulqiy fazilatlari b-n ajralib turadi. G. ariya, ansambl va balet lavhalarini izçil musiqa rivojiga böysundirdi, ularni yirik sahnalarga birlaştirib, operaning musiqiy-dramatik keskinligini kuçaytirdi, saroy spektakllariga xos dabdabali yuzaki tomoşalarga barham berdi. G. fransuz hajviy opera janrida ham ijod qilgan. «Soxta çöri» (1758), «Aldangan qozi» (1761), «Nogahon uçraşuv yoki «Makka hojilari» (1764) va b. asarlarida Şarq mavzularini ekzotik tarzda aks ettirgan. Ad.: Levik B. V., Çet el musiqasi tarixi (maxsus muharrir T. Ğafurbekov), T., 1984.
Asl matn (kirill, PDF'dagidek)
ГЛЮК (Gluck) Христоф Виллибальд (1714.2.7, Эрасбах, Бавария — 1787.15.11, Вена) — австрия композитори, мусиқий классицизмнинг йирик вакили. 1752 й.дан асосан Венада яшаб, сарой операсида дирижёр ва композитор бўлган. Вена классик мактабининг илк опера ислоҳотчиси сифатида «Орфей ва Эвридика» (1762), «Альцеста» (1767), «Ифигения Тавридада» (1779) каби 100 дан ортиқ операларини яратди. Буларнинг энг етуклари ғоявий ва бадиий мазмундор, ифодавий воситалари хилма-хил бўлиб, қаҳрамонларнинг кучли ҳис-туйғулари, матонатли хулқий фазилатлари б-н ажралиб туради. Г. ария, ансамбль ва балет лавҳаларини изчил мусиқа ривожига бўйсундирди, уларни йирик саҳналарга бирлаштириб, операнинг мусиқий-драматик кескинлигини кучайтирди, сарой спектаклларига хос дабдабали юзаки томошаларга барҳам берди. Г. француз ҳажвий опера жанрида ҳам ижод қилган. «Сохта чўри» (1758), «Алданган қози» (1761), «Ногаҳон учрашув ёки «Макка ҳожилари» (1764) ва б. асарларида Шарқ мавзуларини экзотик тарзда акс эттирган. Ад.: Левик Б. В., Чет эл мусиқаси тарихи (махсус муҳаррир Т. Ғафурбеков), Т., 1984.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.