Yadro qurolini tarqatmaslik töğrisidagi şartnoma
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 14-b. — ziyouz.com
Yadro qurolini tarqatmaslik töğrisidagi şartnoma — xalqaro şartnoma. 1968 yil 1 iyulda AQŞ, Buyuk Britaniya, SSSR va boşqalar davlatlar tomonidan imzolangan. Yadro quroliga ega davlatlarga yadro qurolini va uning ustidan nazorat qilişni heç kimga bermaslik, yadro quroliga ega bölmagan biron bir davlatga uni işlab çiqariş yoki uni qölga kiritişda yordam bermaslik majburiyatini yuklaydi. Yadrosiz davlatlar yadro qurolini qabul qilmasliklari, şuningdek, uning ustidan nazorat örnatmasliklari, yadro qurolini işlab çiqarmaslik va biron boşqaça yöl bilan qölga kiritmaslik va şu maqsadda heç kimdan yordam olmaslik, şuningdek, özlarining barça yadroviy faoliyati ustidan nazorat örnatişni nazarda tutuvçi kafolatlar töğrisida MAGATE bilan bitim tuzişga majburdirlar. Şartnoma heç bir davlatning tinç maqsadlarda yadro quroli ustida tadqiqotlar olib borişi, uni işlab çiqariş va foydalanişiga tösqinlik qilmaydi.
1995 yil 11 apr.da yadro quroliga ega 5 davlat BMT Xavfsizlik Kengaşining 984rezolyutsiyasiga muvofiq, yadro qurolini şartnomaga imzo çekkan davlatlarga qarşi qöllamaslik majburiyatini oldi va 1995 yil 11 mayda şartnoma 178 mamlakat tomonidan çeklanmagan muddatga uzaytirildi.
Asl matn (kirill, PDF'dagidek)
ЯДРО ҚУРОЛИНИ ТАРҚАТМАСЛИК ТЎҒРИСИДАГИ ШАРТНОМА — халқаро шартнома. 1968 йил 1 июлда АҚШ, Буюк Британия, СССР ва бошқалар давлатлар томонидан имзоланган. Ядро қуролига эга давлатларга ядро қуролини ва унинг устидан назорат қилишни ҳеч кимга бермаслик, ядро қуролига эга бўлмаган бирон бир давлатга уни ишлаб чиқариш ёки уни қўлга киритишда ёрдам бермаслик мажбуриятини юклайди. Ядросиз давлатлар ядро қуролини қабул қилмасликлари, шунингдек, унинг устидан назорат ўрнатмасликлари, ядро қуролини ишлаб чиқармаслик ва бирон бошқача йўл билан қўлга киритмаслик ва шу мақсадда ҳеч кимдан ёрдам олмаслик, шунингдек, ўзларининг барча ядровий фаолияти устидан назорат ўрнатишни назарда тутувчи кафолатлар тўғрисида МАГАТЭ билан битим тузишга мажбурдирлар. Шартнома ҳеч бир давлатнинг тинч мақсадларда ядро қуроли устида тадқиқотлар олиб бориши, уни ишлаб чиқариш ва фойдаланишига тўсқинлик қилмайди.
1995 йил 11 апр.да ядро қуролига эга 5 давлат БМТ Хавфсизлик Кенгашининг 984резолюциясига мувофиқ, ядро қуролини шартномага имзо чеккан давлатларга қарши қўлламаслик мажбуриятини олди ва 1995 йил 11 майда шартнома 178 мамлакат томонидан чекланмаган муддатга узайтирилди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.