Yakopo Tintoretto
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 398–399-b. — ziyouz.com
Tintoretto Yakopo TINTORETTO (Tintoretto, asli Robusti, Robusti) Yakopo (1518.29.9— Venetsiya— 1594.31.5) — italyan rassomi, Sönggi Uyğoniş davri Venetsiya maktabi namoyandasi. Bonifatsio Veroneze, Titsiandan ta'lim olgan. T.ning ilk asarlaridayoq uning murakkab rakurslarni, keskin nur samarasini, xilmaxil harakatlarni mahorat bilan bera olişi namoyon böldi («Ioann Krestitelning tuğilişi», 1540-y.lar oxiri, Ermitaj). Ommaviy sahnalardagi kişilarning holati, ularning hayratini mahorat bilan tasvirlaşi («Avliyo Markhing mö'jizasi», 1548, Akademiya galereyasi, Venetsiya va b.) uni töla şakllangan ijodkor sifatida namoyon qildi, sof, nurli buyoklar ulkan ta'sirçan qudratga ega bölib bordi («Mariyaning ibodatxonaga kirişi», taxm. 1555, SantMariya del Orto çerkovi, Venetsiya), T. asosiy işi — Skuola di SanRokko uçun yaratgan namoyonlar turkumi (1565—88)da xristian afsonalarini teran demokratik kayfiyatda talqin qiladi, unda xalq, sertaşviş, romantik kayfiyat baxş etuvçi manzara tasviriga aloxida e'tibor beradi; batal janridagi «Zara yaqinidagi jang» (taxm. 1585, Dojlar saroyi, Venetsiya), «Maxfiy keçalar» (1592— 94, SanJorjio Majore çerkovi, Venetsiya) asarlari mahobatliligi bilan diqkatga sazovor. T. yaratgan portretlar öta sodda va nozik ruhiyati bilan Rembrandt asarlari bilan raqobatlaşadi («Avtoportret», taxm. 1590, Luvr va b.).
Asl matn (kirill, PDF'dagidek)
ТИНТОРЕТТО (Tintoretto, асли Робусти, Robusti) Якопо (1518.29.9— Венеция— 1594.31.5) — итальян рассоми, Сўнгги Уйғониш даври Венеция мактаби намояндаси. Бонифацио Веронезе, Тициандан таълим олган. Т.нинг илк асарларидаёқ унинг мураккаб ракурсларни, кескин нур самарасини, хилмахил ҳаракатларни маҳорат билан бера олиши намоён бўлди («Иоанн Крестителнинг туғилиши», 1540-й.лар охири, Эрмитаж). Оммавий саҳналардаги кишиларнинг ҳолати, уларнинг ҳайратини маҳорат билан тасвирлаши («Авлиё Маркҳинг мўъжизаси», 1548, Академия галереяси, Венеция ва б.) уни тўла шаклланган ижодкор сифатида намоён қилди, соф, нурли буёклар улкан таъсирчан қудратга эга бўлиб борди («Мариянинг ибодатхонага кириши», тахм. 1555, СантМария дель Орто черкови, Венеция), Т. асосий иши — Скуола ди СанРокко учун яратган намоёнлар туркуми (1565—88)да христиан афсоналарини теран демократик кайфиятда талқин қилади, унда халқ, серташвиш, романтик кайфият бахш этувчи манзара тасвирига алохида эътибор беради; баталь жанридаги «Зара яқинидаги жанг» (тахм. 1585, Дожлар саройи, Венеция), «Махфий кечалар» (1592— 94, СанЖоржио Мажоре черкови, Венеция) асарлари маҳобатлилиги билан диқкатга сазовор. Т. яратган портретлар ўта содда ва нозик руҳияти билан Рембрандт асарлари билан рақобатлашади («Автопортрет», тахм. 1590, Лувр ва б.).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.