«Yalla»
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 28–29-b. — ziyouz.com
«Yalla» «YALLA», Özbekistonda xizmat körsatgan davlat vokal-çolğu «Yalla» ansambli — özbek musiqiy estrada san'ati rivojiga katta hissa qöşgan, respublikada yetakçi vokal-çolğu ansambl. 1970 yil Toşkent teatr va rassomlik san'ati instituti qoşida in-t Öquv teatri direktori, şoir G.Rojkov va dastlabki musiqa rahbari — Özbekistonda xizmat körsatgan artist, kompozitor Ye.Şiryayev taşabbusi bilan VIA şaklida taşkil topgan. Iştirokçilari — F.Zokirov (1976 yildan badiiy rahbar, q. Zokirovlar), Ş.Nizomitdinov, L.Kandalova, B.Jörayev, S.Avanesov, A.Fatxullin, N.Boyxonova va boşqalar 1971 yil Özbek konsert tarkibiga kirib, 1975 yil «Özbekistonda xizmat körsatgan ansambl» unvoniga sazovor bölgan. 1970 yillar oxirida ansamblga Özbekistonda xizmat körsatgan artistlar R.Ilyosov (musiqa rahbari va aranjirovkaçi, 1994 yilgaça), J.Töxtayev, A.Aliyev, A.Tölaganovlar kelib qöşilgan. «Ya.» ijodida milliy ohang va usullari rok musiqa («blyuzrok», «soft rok», «roknroll» va boşqalar), Yevropa va Şarq musiqiy estrada şakllari hamda ommaviy musiqaning boşqa vositalari bilan uyğunlaşib, öziga xos, jöşqin va jozibali uslub şakllanişiga asos böldi. Repertuaridan folkrok uslubida qayta işlangan özbek xalq qöşiq, yalla va aşulalari («Boyçeçak», «Yumalab-yumalab», «Qilpillama», «Ğayra-ğayra», «Xandalak» va boşqalar), özbek kompozitorlari («Özbekiston», S.Yudakov; «Qiz bola», E.Solihov; «Bahor qasidasi» F.Yanov-Yanovskiy va boşqalar)ning aranjirovka qilingan asarlari va F.Zokirov bastalagan qöşiqlar («Majnuntol», «Sumalak», «Masxarabozlar», «Sen bölmasang yonimda», «Musiqali çoyxona», «Leyli», «Uçquduq», «Şahrisabz», «Toşkentim onam», «Yurt işqida yonaman», «Bugun bayram» va boşqalar) örin olgan. Ayniqsa, «Yallamayorim» (1984) va «Musiqali çoyxona» (1987) teatrlaştirilgan dasturlari maşhur bölib, Özbekiston va köpgina çet mamlakatlarda namoyiş etilgan. Ijrolari 10 dan ortiq gramplastinkaga yozilgan. Yevropa, Osiyo, Afrika va Amerika mamlakatlarida bir neça marta gastrolda bölgan.
Asl matn (kirill, PDF'dagidek)
«ЯЛЛА», Ўзбекистонда хизмат кўрсатган давлат вокал-чолғу «Ялла» ансамбли — ўзбек мусиқий эстрада санъати ривожига катта ҳисса қўшган, республикада етакчи вокал-чолғу ансамбль. 1970 йил Тошкент театр ва рассомлик санъати институти қошида ин-т Ўқув театри директори, шоир Г.Рожков ва дастлабки мусиқа раҳбари — Ўзбекистонда хизмат кўрсатган артист, композитор Е.Ширяев ташаббуси билан ВИА шаклида ташкил топган. Иштирокчилари — Ф.Зокиров (1976 йилдан бадиий раҳбар, қ. Зокировлар), Ш.Низомитдинов, Л.Кандалова, Б.Жўраев, С.Аванесов, А.Фатхуллин, Н.Бойхонова ва бошқалар 1971 йил Ўзбек концерт таркибига кириб, 1975 йил «Ўзбекистонда хизмат кўрсатган ансамбль» унвонига сазовор бўлган. 1970 йиллар охирида ансамблга Ўзбекистонда хизмат кўрсатган артистлар Р.Илёсов (мусиқа раҳбари ва аранжировкачи, 1994 йилгача), Ж.Тўхтаев, А.Алиев, А.Тўлагановлар келиб қўшилган. «Я.» ижодида миллий оҳанг ва усуллари рок мусиқа («блюзрок», «софт рок», «рокнролл» ва бошқалар), Европа ва Шарқ мусиқий эстрада шакллари ҳамда оммавий мусиқанинг бошқа воситалари билан уйғунлашиб, ўзига хос, жўшқин ва жозибали услуб шаклланишига асос бўлди. Репертуаридан фолькрок услубида қайта ишланган ўзбек халқ қўшиқ, ялла ва ашулалари («Бойчечак», «Юмалаб-юмалаб», «Қилпиллама», «Ғайра-ғайра», «Хандалак» ва бошқалар), ўзбек композиторлари («Ўзбекистон», С.Юдаков; «Қиз бола», Э.Солиҳов; «Баҳор қасидаси» Ф.Янов-Яновский ва бошқалар)нинг аранжировка қилинган асарлари ва Ф.Зокиров басталаган қўшиқлар («Мажнунтол», «Сумалак», «Масхарабозлар», «Сен бўлмасанг ёнимда», «Мусиқали чойхона», «Лейли», «Учқудуқ», «Шаҳрисабз», «Тошкентим онам», «Юрт ишқида ёнаман», «Бугун байрам» ва бошқалар) ўрин олган. Айниқса, «Ялламаёрим» (1984) ва «Мусиқали чойхона» (1987) театрлаштирилган дастурлари машҳур бўлиб, Ўзбекистон ва кўпгина чет мамлакатларда намойиш этилган. Ижролари 10 дан ортиқ грампластинкага ёзилган. Европа, Осиё, Африка ва Америка мамлакатларида бир неча марта гастролда бўлган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.