«Yangiyöl yoğmoy» aksiyadorlik jamiyati
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 61–62-b. — ziyouz.com
«Yangiyöl yoğmoy» aksiyadorlik jamiyati — oziq-ovqat sanoatining yirik korxonasi. «Yoğmoytamakisanoat» uyuşmasi tarkibida. Rafinatsiyalangan paxta moyi, distillangan yoğ kislotalar, xöjalik sovuni, çorvaçilik uçun ozuqa bölgan şrot va şulxa işlab çiqaradi. Dastlab 1916 yilda Qovunçi qişloğida «Beş boş» aksiyadorlik kompaniyasi yoğsovungarlik z-dini qura boşladi. 1917 yilda Oktyabr töntarişidan keyin çala qurilgan zd davlat ixtiyoriga olindi va «Glavxlopkoprom» tomonidan 1919—22 yillarda 8 ta pressi bölgan va quvvati 25 t/sutka çigitni qayta işlaydigan korxona (4yoğ z-di) qurilişi va montaji yakunlandi. 1922 yil 10 iyunda işga tuşirildi. 1930 va 1937 yillarda korxona rekonstruksiya qilindi, qöşimça 4 ta yoğ pressi örnatildi. 1956 y.da korxona sobiq qand z-di (1950 y.gaça işlangan) hududiga köçirildi, 1960 yilda yoğ-moy kombinatiga aylantirildi, 14 ta şnek press örnatildi, 2 ta ekstraksiya liniyasi işlay boşladi, çigitni qayta işlaş böyiça quvvati sutkasiga 500 t ga, sovun sexining sutkalik işlab çiqariş quvvati 42 t ga yetkazildi.
1980 yilga kelib kombinatda sutkasiga 800 t çigitni qayta işlaş quvvatiga erişildi, ekstraksiya sexidagi şnek buğlatkiçlar örniga tosterlar örnatiladi, missellani filtrlaş uçun diskli filtrlar örnatildi. 1994 yilda korxona oçiq aksiyadorlik jamiyatiga aylantirildi. 1999 yilda paxta moyini 1 va 5 litrli polietilen idişlarga qadoqlaydigan bölim, 2000 yilda şrotni qadoqlaş bölimi,
2002 yilda işlab çiqariş quvvati sutkasiga 50 t bölgan dezodoratsiya bölimi işga tuşirildi. 2004 yilda 250 g li 60% li xöjalik sovunini işlab çiqariş yölga qöyildi.
2003 yilda korxonaga xorij investitsiyasi jalb etildi. Korxonadagi barça bölimlar zamonaviy kompyuterlar bilan jihozlangan.
2004 yilda korxonada 8,9 ming t paxta yoği, 14,8 ming t xöjalik sovuni, 27,9 ming t şrot, 21,8 ming t şulxa mahsulotlari iste'molçilarga yetkazib berildi. Mahsulotlari içki bozorda sotiladi, qöşni mamlakatlarga eksport qilinadi.
Asl matn (kirill, PDF'dagidek)
«ЯНГИЙЎЛ ЁҒМОЙ» АКЦИЯДОРЛИК ЖАМИЯТИ — озиқ-овқат саноатининг йирик корхонаси. «Ёғмойтамакисаноат» уюшмаси таркибида. Рафинацияланган пахта мойи, дистилланган ёғ кислоталар, хўжалик совуни, чорвачилик учун озуқа бўлган шрот ва шулха ишлаб чиқаради. Дастлаб 1916 йилда Қовунчи қишлоғида «Беш бош» акциядорлик компанияси ёғсовунгарлик з-дини қура бошлади. 1917 йилда Октябрь тўнтаришидан кейин чала қурилган зд давлат ихтиёрига олинди ва «Главхлопкопром» томонидан 1919—22 йилларда 8 та пресси бўлган ва қуввати 25 т/сутка чигитни қайта ишлайдиган корхона (4ёғ з-ди) қурилиши ва монтажи якунланди. 1922 йил 10 июнда ишга туширилди. 1930 ва 1937 йилларда корхона реконструкция қилинди, қўшимча 4 та ёғ пресси ўрнатилди. 1956 й.да корхона собиқ қанд з-ди (1950 й.гача ишланган) ҳудудига кўчирилди, 1960 йилда ёғ-мой комбинатига айлантирилди, 14 та шнек пресс ўрнатилди, 2 та экстракция линияси ишлай бошлади, чигитни қайта ишлаш бўйича қуввати суткасига 500 т га, совун цехининг суткалик ишлаб чиқариш қуввати 42 т га етказилди.
1980 йилга келиб комбинатда суткасига 800 т чигитни қайта ишлаш қувватига эришилди, экстракция цехидаги шнек буғлаткичлар ўрнига тостерлар ўрнатилади, мисцеллани фильтрлаш учун дискли фильтрлар ўрнатилди. 1994 йилда корхона очиқ акциядорлик жамиятига айлантирилди. 1999 йилда пахта мойини 1 ва 5 литрли полиэтилен идишларга қадоқлайдиган бўлим, 2000 йилда шротни қадоқлаш бўлими,
2002 йилда ишлаб чиқариш қуввати суткасига 50 т бўлган дезодорация бўлими ишга туширилди. 2004 йилда 250 г ли 60% ли хўжалик совунини ишлаб чиқариш йўлга қўйилди.
2003 йилда корхонага хориж инвестицияси жалб этилди. Корхонадаги барча бўлимлар замонавий компьютерлар билан жиҳозланган.
2004 йилда корхонада 8,9 минг т пахта ёғи, 14,8 минг т хўжалик совуни, 27,9 минг т шрот, 21,8 минг т шулха маҳсулотлари истеъмолчиларга етказиб берилди. Маҳсулотлари ички бозорда сотилади, қўшни мамлакатларга экспорт қилинади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.