Yassi oyoq

Yassi oyoq — oyoq panjasi gumbazining yalpayib, tekis bölib qolişi. Oyoq böyiga yoki eniga yassi bölişi mumkin, goho har ikkisi birga uçraydi. Oyoq eniga yassi bölsa, uning tagi eniga yalpayadi, oğirlik esa oyoqning 1 va 5 barmoqlariga tuşmay, barmoq tagiga, kaft suyaklarining boşçasiga tuşadi. Oyoq böyiga qarab yassi bölsa, uning tagi yerga bir tekis tegib turadi. Oyoq yassiligi tuğma (juda kam) yoki hayotda orttirilgan böladi. Hayotda orttirilgani köproq uçraydi. Asosan oyoq panjasi muskulboylam apparatining zaiflaşişi (mas, raxit yoki haddan taşqari zör kelişi oqibatida), poyabzalning noqulay bölişi, maymoqlik, oyoq şikastlanişi yoki falajlanişi (köpinça poliomiyelitda) sabab böladi. Ba'zan kasallik iş kunining köp qismini oyoqda tik turib ötkazadigan kişilar (sartaroşlar, sotuvçilar va boşqalar)da paydo böladi. Kasallikning dastlabki belgisi: oyoq tez toliqadi, tagi oğriydi, boldir, son sohasida ham oğriq seziladi; keyinçalik oğriq tizza böğimlari va belga ham tarqaladi. Keçqurunga borib oyoq şişadi, keçasi şiş qaytadi. Oyoq juda yassi bölsa, oyoq panjasi uzun, örta qismi esa serbar tortadi.

Ya.o. kişilar oyoğini kerib, tizza va çanoqson böğimini sal bukib, qöllarni silkib yurişadi, ularda köproq poyabzalning poşnasi va tagçarmi (içki yuzasi) yeyiladi. Ya.o.ning oldini olişda poyabzalning oddiy va qulay bölişi (siqmasligi, poşnasi juda baland bölmasligi) nihoyatda muhim.

Bolalarda uçraydigan Ya.o.ning oldini oliş uçun ularning qadqomatiga e'tibor beriş, boşi va tanasini töğri tutişga örgatiş lozim. Oyoqning muskul va boylamlarini mustahkamlaşda badan tarbiya va sport bilan şuğullaniş, şuningdek, yozning issiq kunlari tuproqda oyoq yalang yurişning foydasi bor. Oyoği yassi kişilarni ortoped vraç davolaydi. Davoni iloji boriça erta boşlagan ma'qul.