Yaziglar

Yaziglar — sarmat qabilalaridan biri. Markazi Şim. Azov böyi sohillari bölgan köçmançilarning yirik harbiy-siyosiy ittifoqini barpo etganlar. Ya. Volga böyi va Uraloldi mintaqalarida yaşab, mil. av. 2-asrdan Ğarbga yangi yaylovlar izlab siljiganlar. Ya. xöjaligi asosini köçmançi çorvadorlik taşkil qilgan. Strabonşşt yozişiça, Ya. dastlab Azov dengizi böylarida, söngra Dneprning ğarbidagi hududda yaşaşgan. Ya. roksolanlar bilan birga Rim imperiyasiga qarşi kuraşgan sarmat qabilalari orasida eng faollari bölişgan. Bu qabilalar Dunay böyi viloyatlariga ham hujumlar qilganlar. Mil. av. 69 yil qişida ular Myoziyaga bostirib kirib u yerdagi Rimning 2 kogortasini tormor keltirganlar. Kelasi yili yana çopqun qilişgan, lekin bu safar yengilganlar. Mil. 1-asr örtalarida Ya. Dunay va Tisa daryolari oraliğida yaşaşgan. Ya.ning bir qismi Rim imperiyasi çegaralariga yaqin yerda ötroqlaşgan va mil. 2-asrda Pannoniyaga kelib joylaşgan. Ya. qoldiqlari ilk örta asrlarda Markaziy Yevropaning boşqa xalqlariga aralaşib ketişgan.