Yer tuziş xaritasi
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 67-b. — ziyouz.com
Yer tuziş xaritasi - yerga egalik qiluvçi xöjaliklar hududidagi tafsilotlar (suğoriş va yöl tarmoqlari, aholi yaşaş joylari va h.k.) va yer turlari (haydaladigan yerlar, boğlar, yaylovlar va b.) gorizontal proyeksiyasining kiçraytirilgan tasviri. Ye.t.x. aerofotosuratlar asosida maxsus fotografiya asboblari yordamida joy tasvirining töla ma'lumotlari b-n tuziladi. Ayrim hollarda Ye.t.x. dala ölçov işlari natijasida tuzilişi mumkin.
Ye.t.x. 1:10000 va 1:25000, ba'zan 1:5000, 1:50000 masştablarda tuziladi. Aholi yaşaydigan joylar, yer turlari, ekinzorlar va b. yer uçastkalarining Ye.t.x.da tasvirlaş yer tuziş işlarida qöllaş uçun tavsiya qilingan şartli belgilar b-n ifodalanadi. Ye.t.x. yer tuziş loyihalarining çizma qismini bajarişda, tuproq, suğoriş, yerlarni baholaş va hisoblaş xaritalarini tuzişda, maxsus agrotexnik, agrokimyoviy, gidrotexnik va b. tadqiqotlar ötkazişda, şuningdek, xöjalikning yerdan foydalaniş huquqini beruvçi davlat dalolatnomasini izohlovçi hujjat sifatida qabul qilinadi. Ye.t.x.larining köpaytirilgan nus-xalari viloyat va tuman miqyosidagi yer tuziş, q.x. xaritalarini tayyorlaşda asos qilib olinadi. Ye.t.x. barça yer tuziş loyihalarining tarkibiy qismiga kiradi.
Asl matn (kirill, PDF'dagidek)
ЕР ТУЗИШ ХАРИТАСИ - ерга эгалик қилувчи хўжаликлар ҳудудидаги тафсилотлар (суғориш ва йўл тармоқлари, аҳоли яшаш жойлари ва ҳ.к.) ва ер турлари (ҳайдаладиган ерлар, боғлар, яйловлар ва б.) горизонтал проекциясининг кичрайтирилган тасвири. Е.т.х. аэрофотосуратлар асосида махсус фотография асбоблари ёрдамида жой тасвирининг тўла маълумотлари б-н тузилади. Айрим ҳолларда Е.т.х. дала ўлчов ишлари натижасида тузилиши мумкин.
Е.т.х. 1:10000 ва 1:25000, баъзан 1:5000, 1:50000 масштабларда тузилади. Аҳоли яшайдиган жойлар, ер турлари, экинзорлар ва б. ер участкаларининг Е.т.х.да тасвирлаш ер тузиш ишларида қўллаш учун тавсия қилинган шартли белгилар б-н ифодаланади. Е.т.х. ер тузиш лойиҳаларининг чизма қисмини бажаришда, тупроқ, суғориш, ерларни баҳолаш ва ҳисоблаш хариталарини тузишда, махсус агротехник, агрокимёвий, гидротехник ва б. тадқиқотлар ўтказишда, шунингдек, хўжаликнинг ердан фойдаланиш ҳуқуқини берувчи давлат далолатномасини изоҳловчи ҳужжат сифатида қабул қилинади. Е.т.х.ларининг кўпайтирилган нус-халари вилоят ва туман миқёсидаги ер тузиш, қ.х. хариталарини тайёрлашда асос қилиб олинади. Е.т.х. барча ер тузиш лойиҳаларининг таркибий қисмига киради.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.