Yevropa-Osiyo transkontinental avtomagistrali
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 16–17-b. — ziyouz.com
Yevropa-Osiyo transkontinental avtomagistrali - Xitoy va Markaziy Osiyo mamlakatlarini Rossiya orqali Ğarbiy Yevropa mamlakatlari b-n boğlaydigan avtomagistral. Jahondagi eng yirik avtomagistrallardan biri. Rotterdam (Gollandiya) — Şanxay (Xitoy) portlarini boğlaydi. Umumiy uz. 10 ming km.dan ortiq. Avtomagistralining Özbekiston hududidan ötadigan qismi — Andijon — Toşkent — Nukus — Qönğirot trassasi umumiy uz. 1422 km, barça kiriş yöllarining uz. 500 km bölib, Farğona vodiysi viloyatlaridan boşlanib, söngra Toşkent, Sirdaryo, Jizzax, Samarqand, Navoiy, Buxoro viloyatlari, Qizilqum orqali Xorazm viloyati hududidan ötib, Qoraqalpoğiston Respublikasining poytaxti Nukusga çiqadi. Trassa Afğoniston va Turkmaniston yönalişidagi xalqaro trassalarni ham kesib ötadi. Trassani loyihalaş işlari Özbekiston Respublikasi Vazirlar Mahkamasining 1999 y. 18 avg. qarori asosida 1999—2000 y.larda amalga oşirildi. Loyihalaştirişning subpudrat şartnomalarida ilğor xorijiy davlatlarning loyihalaş in-tlari xam iştirok etgan. Loyihalaş yeçimlari jahon standartlari darajasida qabul qilinib, qurilgan yangi trassa avtotransport vositalarining katta tezlikdagi harakatni ta'minlovçi Özbekiston milliy magistraliga aylanadi.
Trassa avtotransport vositalarining katta tezlikdagi harakatini ta'minlaydi va mamlakat iqtisodiyotida muhim ahamiyat kasb etadi. Trassaning qurilişi b-n yaqin kelajakda yöl atrofi çöl hududlarini özlaştirişga yanada qulay imkoniyatlar yaratiladi, sanoatni bir tekisda joylaştiriş, aholini ziç joylaşgan hududlardan tarqoq joylaşgan hududlarga köçiriş va respublika hududlarining bir tekis rivojlanişi ta'minlanadi.
Tohirjon Mirzayev.
Asl matn (kirill, PDF'dagidek)
ЕВРОПА-ОСИЁ ТРАНСКОНТИНЕНТАЛ АВТОМАГИСТРАЛИ - Хитой ва Марказий Осиё мамлакатларини Россия орқали Ғарбий Европа мамлакатлари б-н боғлайдиган автомагистраль. Жаҳондаги энг йирик автомагистраллардан бири. Роттердам (Голландия) — Шанхай (Хитой) портларини боғлайди. Умумий уз. 10 минг км.дан ортиқ. Автомагистралининг Ўзбекистон ҳудудидан ўтадиган қисми — Андижон — Тошкент — Нукус — Қўнғирот трассаси умумий уз. 1422 км, барча кириш йўлларининг уз. 500 км бўлиб, Фарғона водийси вилоятларидан бошланиб, сўнгра Тошкент, Сирдарё, Жиззах, Самарқанд, Навоий, Бухоро вилоятлари, Қизилқум орқали Хоразм вилояти ҳудудидан ўтиб, Қорақалпоғистон Республикасининг пойтахти Нукусга чиқади. Трасса Афғонистон ва Туркманистон йўналишидаги халқаро трассаларни ҳам кесиб ўтади. Трассани лойиҳалаш ишлари Ўзбекистон Республикаси Вазирлар Маҳкамасининг 1999 й. 18 авг. қарори асосида 1999—2000 й.ларда амалга оширилди. Лойиҳалаштиришнинг субпудрат шартномаларида илғор хорижий давлатларнинг лойиҳалаш ин-тлари хам иштирок этган. Лойиҳалаш ечимлари жаҳон стандартлари даражасида қабул қилиниб, қурилган янги трасса автотранспорт воситаларининг катта тезликдаги ҳаракатни таъминловчи Ўзбекистон миллий магистралига айланади.
Трасса автотранспорт воситаларининг катта тезликдаги ҳаракатини таъминлайди ва мамлакат иқтисодиётида муҳим аҳамият касб этади. Трассанинг қурилиши б-н яқин келажакда йўл атрофи чўл ҳудудларини ўзлаштиришга янада қулай имкониятлар яратилади, саноатни бир текисда жойлаштириш, аҳолини зич жойлашган ҳудудлардан тарқоқ жойлашган ҳудудларга кўчириш ва республика ҳудудларининг бир текис ривожланиши таъминланади.
Тоҳиржон Мирзаев.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.