Yevrovideniye
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 5-b. — ziyouz.com
Yevrovideniye (Yevropa körsatuvi) — Yevropa radioeşittiriş uyuşmasi doirasida televizion dasturlarni xalqaro ayirboşlaş böyiça taşkiliytexnik tizim. 1954 y.da taşkil topgan. Ye.ga 50 mamlakatdan 69 televizion taşkilot hal qiluvçi ovoz b-n, 49 taşkilot maslahat ovozi b-n iştirok etadi (2002). Barça körsatuvlarni ayirboşlaşni Yevropa teleradioeşittiriş uyuşmasi muvofiqlaştiradi. U 1991 y.ning 1 yanv.dan Intervideniye xalqaro televizion tarmoq b-n qöşilib, umumevropa taşkilotiga aylandi. Uyuşma istalgan paytda Yer kurrasining istalgan nuqtasidan muhim voqea-hodisalarni olib körsatiş imkoniyatiga ega. Uning yöldoş tarmoği orqali qit'adagi barça poytaxt şaharlar radiotelekanallar b-n özaro boğlangan. Ye.ning dasturiy muvofiqlaştiriş markazi Jenevada, Texnik markazi Bryusselda. Ye. dasturining yarmidan ortiğini kundalik axborot ayirboşlaş (1958 y.dan) taşkil etadi, ularning asosiy ta'minotçisi Buyuk Britaniya, Germaniya, Fransiya, AQ.Ş teletaşkilotlari.
Özbekiston teleradiokompaniyasi Ye. b-n özaro hamkorlik aloqalarini örnatgan. U MDH mamlakatlari orasida Rossiya telekompaniyalaridan keyin ikkinçi bölib Ye.ning yöldoş aloqa tizimiga töla kölamdagi çiqiş va undan foydalaniş litsenziyasiga ega böldi (2001). Bu qulaylik ÖzRga dunyo miqyosida tezkor axborot ayirboşlaş tizimidan foydalaniş imkoniyatlarini yaratdi.
Anvar Karimov.
Asl matn (kirill, PDF'dagidek)
ЕВРОВИДЕНИЕ (Европа кўрсатуви) — Европа радиоэшиттириш уюшмаси доирасида телевизион дастурларни халқаро айирбошлаш бўйича ташкилийтехник тизим. 1954 й.да ташкил топган. Е.га 50 мамлакатдан 69 телевизион ташкилот ҳал қилувчи овоз б-н, 49 ташкилот маслаҳат овози б-н иштирок этади (2002). Барча кўрсатувларни айирбошлашни Европа телерадиоэшиттириш уюшмаси мувофиқлаштиради. У 1991 й.нинг 1 янв.дан Интервидение халқаро телевизион тармоқ б-н қўшилиб, умумевропа ташкилотига айланди. Уюшма исталган пайтда Ер куррасининг исталган нуқтасидан муҳим воқеа-ҳодисаларни олиб кўрсатиш имкониятига эга. Унинг йўлдош тармоғи орқали қитъадаги барча пойтахт шаҳарлар радиотелеканаллар б-н ўзаро боғланган. Е.нинг дастурий мувофиқлаштириш маркази Женевада, Техник маркази Брюсселда. Е. дастурининг ярмидан ортиғини кундалик ахборот айирбошлаш (1958 й.дан) ташкил этади, уларнинг асосий таъминотчиси Буюк Британия, Германия, Франция, АҚ.Ш телеташкилотлари.
Ўзбекистон телерадиокомпанияси Е. б-н ўзаро ҳамкорлик алоқаларини ўрнатган. У МДҲ мамлакатлари орасида Россия телекомпанияларидан кейин иккинчи бўлиб Е.нинг йўлдош алоқа тизимига тўла кўламдаги чиқиш ва ундан фойдаланиш лицензиясига эга бўлди (2001). Бу қулайлик ЎзРга дунё миқёсида тезкор ахборот айирбошлаш тизимидан фойдаланиш имкониятларини яратди.
Анвар Каримов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.