Yiring
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 8–9-b. — ziyouz.com
Yiring YIRING, madda, fasod, patos — yalliğlangan joyda töplanadigan suyuqlik (ekssudat); leykotsitlar (oq qon tanaçalari), monotsitlar, neytrofillar, oqsillar, şuningdek, töqimalarning parçalaniş mahsulotlaridan iborat. Y. yiringlatuvçi mikroblar (stafilokokklar, streptokokklar, gonokokklar va b.), şuningdek, ba'zi kimyoviy moddalar (skipidar va b.) yalliğlantirgan töqimalarda hosil böladi. Y. ning rangi uni hosil qilgan mikrob turiga boğliq; sariq Y. — stafilokokk, yaşil Y. köplab parçalangan leykotsitlar, iflos qönğir Y. — çirituvçi mikroblar, badböy Y. — çirituvçi mikroflora va parçalangan töqimalar borligini bildiradi. Y. ning quyuq-suyuqligi (konsistensiyasi) uning paydo böliş muddatiga ham boğliq, Mas, yangi hosil bölgan Y. suyuq, vaqti ança ötgani quyuq böladi. Y. boylagan joy tevarak-atrofidagi töqima va a'zolardan parda b-n ajralgan bölsa, abssess deb ataladi. Y. dan qonga zaharli moddalar ötadi, şuning uçun biror joyda Y. paydo bölsa, darhol uni yöqotiş çorasini köriş lozim.
Asl matn (kirill, PDF'dagidek)
ЙИРИНГ, мадда, фасод, патос — яллиғланган жойда тўпланадиган суюқлик (экссудат); лейкоцитлар (оқ қон таначалари), моноцитлар, нейтрофиллар, оқсиллар, шунингдек, тўқималарнинг парчаланиш маҳсулотларидан иборат. Й. йиринглатувчи микроблар (стафилококклар, стрептококклар, гонококклар ва б.), шунингдек, баъзи кимёвий моддалар (скипидар ва б.) яллиғлантирган тўқималарда ҳосил бўлади. Й. нинг ранги уни ҳосил қилган микроб турига боғлиқ; сариқ Й. — стафилококк, яшил Й. кўплаб парчаланган лейкоцитлар, ифлос қўнғир Й. — чиритувчи микроблар, бадбўй Й. — чиритувчи микрофлора ва парчаланган тўқималар борлигини билдиради. Й. нинг қуюқ-суюқлиги (консистенцияси) унинг пайдо бўлиш муддатига ҳам боғлиқ, Мас, янги ҳосил бўлган Й. суюқ, вақти анча ўтгани қуюқ бўлади. Й. бойлаган жой теварак-атрофидаги тўқима ва аъзолардан парда б-н ажралган бўлса, абсцесс деб аталади. Й. дан қонга заҳарли моддалар ўтади, шунинг учун бирор жойда Й. пайдо бўлса, дарҳол уни йўқотиш чорасини кўриш лозим.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.