Yöqlov

Yöqlov YÖQLOV, jöqlov , yöqlandi — qarindoş-uruğ, döst-tanişlarning ma'lum munosabat b-n hol-ahvol söraş, qutlaş uçun bir-birinikiga boriş odati. Y. kişilarni qadr-oqibatga örgatadigan milliy an'anadir. Y.ning ba'zi xillari: kelinni yöqlaş — qiz uzatilgaç, 7—8 kun ötgandan söng uning opa-singil, kelinoyilari maxsus dasturxon tayyorlab, kelinni yöqlaydilar. Farzand körgan ayolni Y.da maxsus tayyorlangan dasturxon ustiga kiyimlik, çaqaloqqa kiyim-keçak qöyib boriladi. Safardan qaytganni Y.da haj, uzoq savdo safaridan, armiya, öqiş, kurort yoki sayohatdan qaytib kelgan kişini yöklab boriladi. Y.ning turlaridan biri bemorni kasalxonaga yoki uyga borib yöqlaşdir. Y. b-n borganlar aziz mehmonlar sifatida kutiladi, ziyofat b-n kuzatiladi (bemorni Y. bundan mustasno). Özbekistonning ayrim tumanlarida, asosan, çorvaçilik b-n şuğullanib kelgan köçmançi va yarim köçmançi aholi örtasida vafot etganlarni eslab yiğlaş (jöqlov) saqlanib qolgan. Y.da vafot etgan odamning qarindoş-uruğlari qayerda yaşamasin, ölim xa-barini eşitgaç, jonliq (qöy, eçki) olib, musibatxonani yöklab eşikdan aza törtliklarini aytib, yiğlab kiradi. Ba'zi joylarda yigit ölgan bölsa, ot yasatiladi, marhumning kiyimlari ot ustiga qöyilib, ayollar uning atrofida yiğlab, marhumni yöklaydilar. Marhumga qilinadigan Y.larning Örta Osiyo iklim şaroitiga moslaştirilganlari ham köp. Mac, laylak kelganda, birinçi qor yoqqanda (qoryoğdi), örik gullaganda, gullar oçilganda, tut pişiğida, qovun-uzum pişiğida va b. vaqtlarda ham marhumni eslab turiş odat bölgan. Bu odatlarning aksariyati islomgaça bölgan e'tiqodlarning qoldiklaridir.