Yordamçi maktab

Yordamçi maktab aqli zaif bolalar öqiydigan maxsus ta'lim tarbiya muassasasi. Özbekistonda dastlab 1935 y. Toşkent ş.da oçilgan. Asosan aqli zaif (oligofreniyanij debillik darajasidagi) hamda keyinçalik turli kasalliklar tufayli aqli zaif bölib qolgan bolalar qabul qilinadi. Maxsus ta'limga muhtoj bölgan bolalar tibbiy psixologikpedagogik komissiya tomonidan belgilanadi. Yo. m.dagi akli zaif bolalar uçun maxsus ta'limtarbiya ÖzRning «Ta'lim töğrisida»gi qonuni (1997) asosida amalga oşiriladi. Yo. m. ÖzR Xalqta'limi vazirligi tizimiga kiradi. Yo. m.da akli zaif bolalarga maxsus ta'lim davlat standartlariga muvofiq maktablarning boşlanğiç sinfi hajmiga töğri keladigan va qisman umumiy örta ta'limni amalga oşiruvçi maxsus ta'lim dasturi, rejasi va darsliklar asosida olib boriladi. Öqiş muddati — 9 y. Yo. m.da har bir sinfga 10—12 öquvçi qabul qilinadi. Maktabdagi öquv vaqtining 1/3 qismi (4sinfdan boşlab) mehnat ta'limiga ajratiladi. Yo. m.larda duradgorlik, kaştaçilik, tikuvçilik, qişloklardagi Yo. m.larda q. x. işlari örgatiladi. Yo. m.larning asosiy maqsadi bolalarni akliy jihatdan korreksiyalaş (tuzatiş) va jismoniy jihatdan soğlomlaştiriş, tarbiyalaş, Yo. m. hajmida bilim, könikma va malakalar b-n qurollantiriş, ularni amaliy faoliyatga tayyorlaş, nutqidagi nuqsonlarni tuzatiş hamda ijtimoiy hayotga moslaştirişdan iborat. Yo. m.da ta'limtarbiya işlarini oligofrenopedagog mutaxassislar olib boradi. Yo. m.da vraçpsixonevrolog, tibbiyot hamşiralari ham işlaydi. 2000/2001 öquv yili boşi ÖzRda 19 Yo. m. (4769 öquvçi) va 32 yordamçi internat maktabi (6502 öquvçi) işladi.

Lola Möminova.