Yulduz Usmonova
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 181–182-b. — ziyouz.com
Usmonova Yulduz (1963.12.12, Margilon ş.) — estrada xonandasi, Özbekiston (1995), Qoraqalpoğiston (2000) xalq artisti. Toşkent konservatoriyasini tugatgan (1988). Özi taşkil etgan ansamblning yakkaxon xonandasi (1989 y.dan). Dardli va şirali ovoz sohibi. Milliy estrada qöşiqçiligiga katta hissa qöşib kelmoqda. U. ijodi xonandalik va aktyorlik san'atining omuxtaligi, jöşqinlik, kötarinkilik, badiiy izlanuvçanlik, har bir qöşiq talqinida musiqa va sahna vositalarining yorqinligi b-n ajralib turadi. Repertuaridan örin olgan aksariyat qöşiqlarning (sözi va musiqasi) muallifi. Xalq kuy-ohang andozalarini ijodiy qöllaş orqali vatanparvarlik ruhidagi jöşqin monolog, Muhammad Yusuf va b.ning şe'rlari asosida öziga xos da'vat qöşiqlarni yaratdi («Heç kimga bermaymiz seni, Özbekiston», «Özingdan qöymasin, xalqim», «Elim», «Özbegim», «Xalq yaşar» va b.) Şuningdek, 20-a. özbek qöşiqçiligi an'analarida lirik («Nastarin», «Olov yonar yuragimda», «Qizil olma» va b.), hajviy («Nozanin, noziman», «Buxorodan kuyov keldi» va b.), lirik-dramatik («Onaizor», «Ğiybat, böhton öldiradi», «Şoh va gado», «Otajon», «Ollohim», «Muhammad Yusufga» va b.) qöşiqlar, bir qator xorij va qardoş xalklar estrada qöşiqlari [jumladan, «Ya, habib» (arabça), «Dunyo» (turkça), «Parvardigori» (tojikça) va b.|ning mahorat b-n ijro etgan. «Bolajon» kinofilmida boş qahramon rolini öynagan, köpgina («Temir erkak», «Olovdagi farişta», «Tohir va Zuhra», «Sarvinoz» va b.) kinofilmlar uçun qöşiqlar ijro etgan. Bir neça xalqaro estrada tanlovlari laureati (Yurmala, 1989; Olmaota, 1991 va b.). «Şarq qöşiqlari qiroliçasi» unvoniga sazovor bölgan (2000, Turkiya). Ijrolari 3 gramplastinka va 20 dan ortiq kompakt diskga yozilgan. Yevropa, Osiyo, Amerika, Şim. Afrika mamlakatlarida gastrolda bölgan. 2-çaqiriq Özbekiston Respublikasi Oliy Majlisi deputati.
Asl matn (kirill, PDF'dagidek)
УСМОНОВА Юлдуз (1963.12.12, Маргилон ш.) — эстрада хонандаси, Ўзбекистон (1995), Қорақалпоғистон (2000) халқ артисти. Тошкент консерваториясини тугатган (1988). Ўзи ташкил этган ансамблнинг яккахон хонандаси (1989 й.дан). Дардли ва ширали овоз соҳиби. Миллий эстрада қўшиқчилигига катта ҳисса қўшиб келмоқда. У. ижоди хонандалик ва актёрлик санъатининг омухталиги, жўшқинлик, кўтаринкилик, бадиий изланувчанлик, ҳар бир қўшиқ талқинида мусиқа ва саҳна воситаларининг ёрқинлиги б-н ажралиб туради. Репертуаридан ўрин олган аксарият қўшиқларнинг (сўзи ва мусиқаси) муаллифи. Халқ куй-оҳанг андозаларини ижодий қўллаш орқали ватанпарварлик руҳидаги жўшқин монолог, Муҳаммад Юсуф ва б.нинг шеърлари асосида ўзига хос даъват қўшиқларни яратди («Ҳеч кимга бермаймиз сени, Ўзбекистон», «Ўзингдан қўймасин, халқим», «Элим», «Ўзбегим», «Халқ яшар» ва б.) Шунингдек, 20-а. ўзбек қўшиқчилиги анъаналарида лирик («Настарин», «Олов ёнар юрагимда», «Қизил олма» ва б.), ҳажвий («Нозанин, нозиман», «Бухородан куёв келди» ва б.), лирик-драматик («Онаизор», «Ғийбат, бўҳтон ўлдиради», «Шоҳ ва гадо», «Отажон», «Оллоҳим», «Муҳаммад Юсуфга» ва б.) қўшиқлар, бир қатор хориж ва қардош халклар эстрада қўшиқлари [жумладан, «Я, ҳабиб» (арабча), «Дунё» (туркча), «Парвардигори» (тожикча) ва б.|нинг маҳорат б-н ижро этган. «Болажон» кинофильмида бош қаҳрамон ролини ўйнаган, кўпгина («Темир эркак», «Оловдаги фаришта», «Тоҳир ва Зуҳра», «Сарвиноз» ва б.) кинофильмлар учун қўшиқлар ижро этган. Бир неча халқаро эстрада танловлари лауреати (Юрмала, 1989; Олмаота, 1991 ва б.). «Шарқ қўшиқлари қироличаси» унвонига сазовор бўлган (2000, Туркия). Ижролари 3 грампластинка ва 20 дан ортиқ компакт дискга ёзилган. Европа, Осиё, Америка, Шим. Африка мамлакатларида гастролда бўлган. 2-чақириқ Ўзбекистон Республикаси Олий Мажлиси депутати.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.