«Yunusobod» tennis korti
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 39-b. — ziyouz.com
«Yunusobod» tennis korti — Toşkent şahridagi sport majmui (1996); Amir Temur şohköçasida joylaşgan «Yu.»t.k. özining mahobatli körinişi, zamonaviy talablar asosida loyihalanişi va funksional mukammalligi bilan ahamiyatlidir. Oçiq kort maydonlari şohköça böylab eng baland inşoot — Toşkent televizion minorasi tagida joylaşgan bölib, u bilan yaxlit me'moriy ansamblni taşkil qiladi. Oçiq kortlar orqasida, uning ğarbiy qismida 3000 örinli usti yopiq universal kort binosi qurilgan. Bino tarhi burçaklari aylanma çiziklar bilan çegaralangan töğri törtburçak şaklida, tomoşabinlar örindiqlari öyin maydonini har tomondan qamrab olgan. Maxsus mehmonlar va şarhlovçilar joyi ğarbiy sektorda, uning tepasida 200 örinli qahvaxona va kiçik bufetlar, qöşimça (trenajer, sauna, dam oliş xonalari, vraçlar xonasi, garderob, sportçilar xonasi, ma'muriyat va texnik) xonalar tribuna tagidagi hududga qulay qilib joylaştirilgan. Bino tomining konstruksiyalari — yoruğlik ötkazadigan leksanli ulkan temirbeton ravoqlar bilan işlangan. Bunday tom va kortni örab olgan 2qavat galereyasining derazalari bino qiyofasiga mos körkam me'moriy köriniş baxş etgan. «Yu.»t.k.da Xalqaro sport musobaqalari ötkaziladi.
Asl matn (kirill, PDF'dagidek)
«ЮНУСОБОД» ТЕННИС КОРТИ — Тошкент шаҳридаги спорт мажмуи (1996); Амир Темур шоҳкўчасида жойлашган «Ю.»т.к. ўзининг маҳобатли кўриниши, замонавий талаблар асосида лойиҳаланиши ва функционал мукаммаллиги билан аҳамиятлидир. Очиқ корт майдонлари шоҳкўча бўйлаб энг баланд иншоот — Тошкент телевизион минораси тагида жойлашган бўлиб, у билан яхлит меъморий ансамблни ташкил қилади. Очиқ кортлар орқасида, унинг ғарбий қисмида 3000 ўринли усти ёпиқ универсал корт биноси қурилган. Бино тарҳи бурчаклари айланма чизиклар билан чегараланган тўғри тўртбурчак шаклида, томошабинлар ўриндиқлари ўйин майдонини ҳар томондан қамраб олган. Махсус меҳмонлар ва шарҳловчилар жойи ғарбий секторда, унинг тепасида 200 ўринли қаҳвахона ва кичик буфетлар, қўшимча (тренажер, сауна, дам олиш хоналари, врачлар хонаси, гардероб, спортчилар хонаси, маъмурият ва техник) хоналар трибуна тагидаги ҳудудга қулай қилиб жойлаштирилган. Бино томининг конструкциялари — ёруғлик ўтказадиган лексанли улкан темирбетон равоқлар билан ишланган. Бундай том ва кортни ўраб олган 2қават галереясининг деразалари бино қиёфасига мос кўркам меъморий кўриниш бахш этган. «Ю.»т.к.да Халқаро спорт мусобақалари ўтказилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.