Yuridik maslahat
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 57–58-b. — ziyouz.com
Yuridik maslahat — (ÖzRda) huquqiy yordam turi. Bunday yordamni oliy yuridik ma'lumotli, tegişli malaka imtihonini topşirgan, advokatlik litsenziyasiga ega bölgan yoki taşkilot, muassasa, korxonada maslahatçi yurist lavozimida işlayotgan şaxslar berişga haqli. Şaharlar va aholi punktlarida advokatlar hay'atlarining rayosatlari yuridik yordam körsatiş işini taşkil qiliş maqsadida huquqiy maslahat beruvçi advokatlar jamoasini tuzadi. Yuridik maslahatxonaning joylaşiş örni va unda işlaydigan advokatlar sonini advokatlar hay'atining rayosati tegişli adliya idorasi bilan kelişgan holda belgilaydi. Yuridik maslahatxona bankda joriy hisob raqamiga, öz nomi va tegişli advokatlar hay'atiga qaraşi körsatilgan muhr va ştampga ega böladi. Yuridik maslahatxonaga advokatlar hay'ati rayosati rayosat a'zolari içidan tayinlaydigan mudir rahbarlik qiladi. Yuridik maslahat beriş uçun advokat, öz kasbiy faoliyatida amaddagi qonun hujjatlarining talablariga rioya etişi kerak. U öziga yuridik yordam sörab murojaat etgan jismoniy va yuridik şaxslarning huquq hamda erkinliklari, qonuniy manfaatlarini himoya etiş uçun qonunda közda tutilgan vositalar va usullardan foydalangan holda faoliyat yuritadi.
Gulçehra Tölaganova.
Asl matn (kirill, PDF'dagidek)
ЮРИДИК МАСЛАҲАТ — (ЎзРда) ҳуқуқий ёрдам тури. Бундай ёрдамни олий юридик маълумотли, тегишли малака имтиҳонини топширган, адвокатлик лицензиясига эга бўлган ёки ташкилот, муассаса, корхонада маслаҳатчи юрист лавозимида ишлаётган шахслар беришга ҳақли. Шаҳарлар ва аҳоли пунктларида адвокатлар ҳайъатларининг раёсатлари юридик ёрдам кўрсатиш ишини ташкил қилиш мақсадида ҳуқуқий маслаҳат берувчи адвокатлар жамоасини тузади. Юридик маслаҳатхонанинг жойлашиш ўрни ва унда ишлайдиган адвокатлар сонини адвокатлар ҳайъатининг раёсати тегишли адлия идораси билан келишган ҳолда белгилайди. Юридик маслаҳатхона банкда жорий ҳисоб рақамига, ўз номи ва тегишли адвокатлар ҳайъатига қараши кўрсатилган муҳр ва штампга эга бўлади. Юридик маслаҳатхонага адвокатлар ҳайъати раёсати раёсат аъзолари ичидан тайинлайдиган мудир раҳбарлик қилади. Юридик маслаҳат бериш учун адвокат, ўз касбий фаолиятида амаддаги қонун ҳужжатларининг талабларига риоя этиши керак. У ўзига юридик ёрдам сўраб мурожаат этган жисмоний ва юридик шахсларнинг ҳуқуқ ҳамда эркинликлари, қонуний манфаатларини ҳимоя этиш учун қонунда кўзда тутилган воситалар ва усуллардан фойдаланган ҳолда фаолият юритади.
Гулчеҳра Тўлаганова.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.