Yuzboşi
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 10-b. — ziyouz.com
Yuzboşi — harbiy unvon, yuz nafar askar boşliği. Turk xoqonligi davridan amalda bölgan. Yu. bevosita mingboşita böysungan, uning qöl ostida 10 ta önboşi faoliyat körsatgan. Amir Temur davrida Yu. önboşiga qaraganda 2 hissa köp maoş olgan (taxm. 20 otning qiymatiga teng). Yu.ga harbiy yurişlar paytida alohida çodir, turli qurolyaroğlar va 10 ta qöşimça ot berilgan. 20-asr boşlarida Turkistonda sovet rejimiga qarşi kuraş davrida ba'zi qörboşilar Yu. unvonini olgan. Keyinçalik bu unvon tugatilgan. Yu. mansabi va unvoni örta asrlarda turli mamlakatlarda (mas, Rossiyada «sotnik», Ukrainada «sotnya») ham mavjud bölgan.
Ad.: Temur tuzuklari, T., 1996; Vohidov Ş., Qöqon xonligi va Buxoro amirligida unvon va mansablar, T., 1996.
Asl matn (kirill, PDF'dagidek)
ЮЗБОШИ — ҳарбий унвон, юз нафар аскар бошлиғи. Турк хоқонлиги давридан амалда бўлган. Ю. бевосита мингбошита бўйсунган, унинг қўл остида 10 та ўнбоши фаолият кўрсатган. Амир Темур даврида Ю. ўнбошига қараганда 2 ҳисса кўп маош олган (тахм. 20 отнинг қийматига тенг). Ю.га ҳарбий юришлар пайтида алоҳида чодир, турли қуроляроғлар ва 10 та қўшимча от берилган. 20-аср бошларида Туркистонда совет режимига қарши кураш даврида баъзи қўрбошилар Ю. унвонини олган. Кейинчалик бу унвон тугатилган. Ю. мансаби ва унвони ўрта асрларда турли мамлакатларда (мас, Россияда «сотник», Украинада «сотня») ҳам мавжуд бўлган.
Ад.: Темур тузуклари, Т., 1996; Воҳидов Ш., Қўқон хонлиги ва Бухоро амирлигида унвон ва мансаблар, Т., 1996.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.