«Zamin» banki
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 22-b. — ziyouz.com
«Zamin» banki — Özbekistondagi ixtisoslaştirilgan davlataksiyadorlik ipoteka banki. ÖzR Vazirlar Mahkamasining 1995 y. 7 sent. dagi qaroriga köra, oçiq aksiyadorlik jamiyati şaklida 20 mln. sömlik ustav jamğarmasi b-n taşkil etilgan. Boşkaruvi Toşkent ş.da joylaşgan. Respublikaning barça viloyatlarida va Qoraqalpoğiston Respublikasida 13 filiali bor. Bankning asosiy aksiyadorlari Özbekiston Respublikasi Davlat mulki qömitasi (60,7%), Moliya vazirligi (5,5%), «Bektemir universal bozori» oçiq aksiyadorlik jamiyati (8,8%), «Özqişloqxöjalik-maşxolding» kompaniyasi (4,6%) va b. 1996 y.dan amaliyotlarni xorijiy valyutada olib boriş uçun litsenziya olgan. Respublikadagi yer maydonlari va b. köçmas mulkni garovga qöyiş asosida moliya mablağlarini jamlaş va investitsiyalaş; jismoniy va yuridik şaxslarga qisqa va uzoq muddatli hamda ipoteka kreditlari beriş; yer egalariga kompleks kredithisob xizmati körsatiş; muomalaga ipoteka obligatsiyalarini çiqariş va joylaştiriş; kiçik va örta tadbirkorlik korxonalarini kreditlaş, ipoteka kreditlari soqasida ilğor jahon tajribalarini joriy etiş va b. vazifalarni bajaradi. Bank portfelining asosiy qismi xususiy, kiçik va örta biznes subyektlariga ajratilgan kreditlar (3,5 mlrd. söm)dan iborat. Ustav jamğarmasi 1,235 mlrd. söm, öz kapitali 1,5 mlrd. söm, jami aktivlari 5,7 mlrd. Sum, kredit quyilmalari 4 mlrd. sömni taşkil qildi (2002).
Odil Mavlonov.
Asl matn (kirill, PDF'dagidek)
«ЗАМИН» БАНКИ — Ўзбекистондаги ихтисослаштирилган давлатакциядорлик ипотека банки. ЎзР Вазирлар Маҳкамасининг 1995 й. 7 сент. даги қарорига кўра, очиқ акциядорлик жамияти шаклида 20 млн. сўмлик устав жамғармаси б-н ташкил этилган. Бошкаруви Тошкент ш.да жойлашган. Республиканинг барча вилоятларида ва Қорақалпоғистон Республикасида 13 филиали бор. Банкнинг асосий акциядорлари Ўзбекистон Республикаси Давлат мулки қўмитаси (60,7%), Молия вазирлиги (5,5%), «Бектемир универсал бозори» очиқ акциядорлик жамияти (8,8%), «Ўзқишлоқхўжалик-машхолдинг» компанияси (4,6%) ва б. 1996 й.дан амалиётларни хорижий валютада олиб бориш учун лицензия олган. Республикадаги ер майдонлари ва б. кўчмас мулкни гаровга қўйиш асосида молия маблағларини жамлаш ва инвестициялаш; жисмоний ва юридик шахсларга қисқа ва узоқ муддатли ҳамда ипотека кредитлари бериш; ер эгаларига комплекс кредитҳисоб хизмати кўрсатиш; муомалага ипотека облигацияларини чиқариш ва жойлаштириш; кичик ва ўрта тадбиркорлик корхоналарини кредитлаш, ипотека кредитлари соқасида илғор жаҳон тажрибаларини жорий этиш ва б. вазифаларни бажаради. Банк портфелининг асосий қисми хусусий, кичик ва ўрта бизнес субъектларига ажратилган кредитлар (3,5 млрд. сўм)дан иборат. Устав жамғармаси 1,235 млрд. сўм, ўз капитали 1,5 млрд. сўм, жами активлари 5,7 млрд. Сум, кредит қуйилмалари 4 млрд. сўмни ташкил қилди (2002).
Одил Мавлонов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.