Zamira Rajabovna Suyunova
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 782-b. — ziyouz.com
Suyunova Zamira Rajabovna (1958.27.6, Kitob tumani) — xonanda, Özbekiston xalq artisti (1999). Toşkent konservatoriyasini xor dirijyorligi ixtisosligi böyiça tugatgan (1981). Özbek aşulaçilik san'ati sirlarini Ğ. Toşmatov, K. Ismoilova, A. Ismoilovlardan örgangan. Dutorçi qizlar ansambli repertuari şakllanişida xonanda (1979 y.dan), musiqa rahbari (1984 y.dan) va badiiy rahbar (1995—2002) sifatida xizmatlari alohida. Özbekiston davlat konservatoriyasida öqituvçi, dotsent (2004 y.dan). Jarangdor, butun diapazonida tiniq ovozga ega bölib, maqom yöllari («Dugoh Husayn», «Savti Çorgoh», «Saraxbori Dugoh taronasi» va b.), xalq aşula, yalla va laparlari («Yöl bölsin», «Yoryor» va b.), ayniqsa, bastakorlar asarlari (Ğ.Toşmatovning «Baxtimdan», A. Ismoilovning «Oybuloq», «Bilmam, adaşdimmi», «Alla», «Ayol qalbi» va b.)ni nozik did bilan va badiiy ta'sirçan talqin etgan. S. şirali, mayin ovoz sohibasi. Bastakor sifatida bir qator («Vatan işqi», «Alla», «Gul oçilsa», «Ona bölib» va b.) qöşiq va aşulalar yaratgan. Ijrolari Özbekiston radiosi fonojamğarmasiga, 3 grammplastinka, bir neça audiokassetalarga yozilgan. Uning hayoti va ijodiga bağişlangan telefilm va videofilmlar suratga olingan. Angliya, Fransiya, Ispaniya va Germaniyada gastrodda bölgan.
Asl matn (kirill, PDF'dagidek)
СУЮНОВА Замира Ражабовна (1958.27.6, Китоб тумани) — хонанда, Ўзбекистон халқ артисти (1999). Тошкент консерваториясини хор дирижёрлиги ихтисослиги бўйича тугатган (1981). Ўзбек ашулачилик санъати сирларини Ғ. Тошматов, К. Исмоилова, А. Исмоиловлардан ўрганган. Дуторчи қизлар ансамбли репертуари шаклланишида хонанда (1979 й.дан), мусиқа раҳбари (1984 й.дан) ва бадиий раҳбар (1995—2002) сифатида хизматлари алоҳида. Ўзбекистон давлат консерваториясида ўқитувчи, доцент (2004 й.дан). Жарангдор, бутун диапазонида тиниқ овозга эга бўлиб, мақом йўллари («Дугоҳ Ҳусайн», «Савти Чоргоҳ», «Сарахбори Дугоҳ таронаси» ва б.), халқ ашула, ялла ва лапарлари («Йўл бўлсин», «Ёрёр» ва б.), айниқса, бастакорлар асарлари (Ғ.Тошматовнинг «Бахтимдан», А. Исмоиловнинг «Ойбулоқ», «Билмам, адашдимми», «Алла», «Аёл қалби» ва б.)ни нозик дид билан ва бадиий таъсирчан талқин этган. С. ширали, майин овоз соҳибаси. Бастакор сифатида бир қатор («Ватан ишқи», «Алла», «Гул очилса», «Она бўлиб» ва б.) қўшиқ ва ашулалар яратган. Ижролари Ўзбекистон радиоси фоножамғармасига, 3 граммпластинка, бир неча аудиокассеталарга ёзилган. Унинг ҳаёти ва ижодига бағишланган телефильм ва видеофильмлар суратга олинган. Англия, Франция, Испания ва Германияда гастродда бўлган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.