Zarafşon
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 40-b. — ziyouz.com
Zarafşon - ertapişar mahalliy olma navi. R. R. Şreder nomidagi Boğdorçilik, uzumçilik va vinoçilik ilmiy tadqiqot intining Samarqand filialida geografik uzoq bölgan Landsberg reneti b-n Samarqand ertagisi navlarini çatiştirib çiqarilgan (V. V. Kuznetsov, A. A. Leplinskaya). Daraxti örta böyli, şox-şabbasi keng, tana şoxlari yöğon. Köçati ötqazilgaç, 4-5-yili hosilga kiradi. Martning örtalarida gullaydi. Mevasi örtaça (110—150 g), keng konussimon, sirti tekis, qizğiş. Eti oq, nafis, sersuv, mayda uruğli, xuşxör, hidi yoqimli. Tarkibida 13% quruq modda, 9,6% qand, 1,1 % kislota, 1,49 mg% vitamin S mavjud. Mevasi iyul boşida pişadi. Tupidan 100—120 kg hosil olinadi. Sovuqqa çidamli. Asosan, tomorqa yerlariga ekiladi. Özbekistonning barça viloyatlaridagi boğdorçilikka ixtisoslaşgan xöjaliklar uçun tavsiya etilgan.
Asl matn (kirill, PDF'dagidek)
ЗАРАФШОН - эртапишар маҳаллий олма нави. Р. Р. Шредер номидаги Боғдорчилик, узумчилик ва виночилик илмий тадқиқот интининг Самарқанд филиалида географик узоқ бўлган Ландсберг ренети б-н Самарқанд эртагиси навларини чатиштириб чиқарилган (В. В. Кузнецов, А. А. Леплинская). Дарахти ўрта бўйли, шох-шаббаси кенг, тана шохлари йўғон. Кўчати ўтқазилгач, 4-5-йили ҳосилга киради. Мартнинг ўрталарида гуллайди. Меваси ўртача (110—150 г), кенг конуссимон, сирти текис, қизғиш. Эти оқ, нафис, серсув, майда уруғли, хушхўр, ҳиди ёқимли. Таркибида 13% қуруқ модда, 9,6% қанд, 1,1 % кислота, 1,49 мг% витамин С мавжуд. Меваси июль бошида пишади. Тупидан 100—120 кг ҳосил олинади. Совуққа чидамли. Асосан, томорқа ерларига экилади. Ўзбекистоннинг барча вилоятларидаги боғдорчиликка ихтисослашган хўжаликлар учун тавсия этилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.