Zardob kasalligi
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 52-b. — ziyouz.com
Zardob kasalligi — davolaş yoki maxsus —seroprofilaktika maqsadida odam organizmiga begona oqsil (hayvonlarning immun zardoblari) yuborilganda röy beradigan allergik reaksiya. Ilgari tegişli zardob (mas, qoqşol yoki difteriyaga qarşi zardob) qabul qilmagan kişilarda uşbu zardoblardan biri yuborilgandan keyin, odatda, 8—12 kun ötgaç, ba'zan esa bir neça daqiqadan söng Z.k.ning belgilari paydo böladi. Avval ukol qilingan joy va uning atrofiga, keyin butun badanga eşakemga öxşaş toşma toşadi, qiçişadi, bemor isitmalaydi, ukol örni atrofidagi, söngra boşqa limfa tugunlari kattalaşadi, böğimlar, boş va yurak sohasida oğriq paydo böladi, ba'zan boş miya şikastlanişiga xos özgarişlar (kollaps, huşsizlik, tirişiş va b.), buyrak va b. a'zolar funksiyalarining buziliş holatlari kuzatiladi. Kasallik bir lahzada ötib ketişi yoki botbot qözib turişi mumkin. Bemorda paydo bölgan özgarişlarga qarab kalsiy preparatlari, oğir hollarda esa kortikosteroidlar va b. buyuriladi (yana q. Seroterapiya). Bemor öz vaqtida şifokorga körinib, kerakli doridarmonlarni qabul qilsa, tuzalib ketadi.
Q.: Seroterapiya
Asl matn (kirill, PDF'dagidek)
ЗАРДОБ КАСАЛЛИГИ — даволаш ёки махсус —серопрофилактика мақсадида одам организмига бегона оқсил (ҳайвонларнинг иммун зардоблари) юборилганда рўй берадиган аллергик реакция. Илгари тегишли зардоб (мас, қоқшол ёки дифтерияга қарши зардоб) қабул қилмаган кишиларда ушбу зардоблардан бири юборилгандан кейин, одатда, 8—12 кун ўтгач, баъзан эса бир неча дақиқадан сўнг З.к.нинг белгилари пайдо бўлади. Аввал укол қилинган жой ва унинг атрофига, кейин бутун баданга эшакемга ўхшаш тошма тошади, қичишади, бемор иситмалайди, укол ўрни атрофидаги, сўнгра бошқа лимфа тугунлари катталашади, бўғимлар, бош ва юрак соҳасида оғриқ пайдо бўлади, баъзан бош мия шикастланишига хос ўзгаришлар (коллапс, ҳушсизлик, тиришиш ва б.), буйрак ва б. аъзолар функцияларининг бузилиш ҳолатлари кузатилади. Касаллик бир лаҳзада ўтиб кетиши ёки ботбот қўзиб туриши мумкин. Беморда пайдо бўлган ўзгаришларга қараб кальций препаратлари, оғир ҳолларда эса кортикостероидлар ва б. буюрилади (яна қ. Серотерапия). Бемор ўз вақтида шифокорга кўриниб, керакли доридармонларни қабул қилса, тузалиб кетади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.