Zaynab Sadriyeva
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 25–26-b. — ziyouz.com
Sadriyeva Zaynab (1914.25.10, Astraxon — 1991.31.10, Toşkent) — Özbekiston xalq artisti (1952). 1930—33 y.lar özbek işçi-yoşlar teatrida, 1933—87 y.lar Hamza teatrida, 1987— 91 y.lar Abror Hidoyatov nomidagi teatrda işlagan. Aktrisaning öziga xos iste'dodi qismati oğir, lekin irodasi kuçli ayollar xarakterini yaratişda monumental obrazlari oçildi. Kruçinina («Aybsiz aybdorlar»), Lyubov Yarovaya («Lyubov Yarovaya»), Xristina («Röyxatlarda yöq») va b. şular jumlasidan. Şuningdek, S. ijodida qattiqqöl, hukmini ötkazişga öç ayollar obrazi alohida örin tutadi: Gavharşod begim («Mirzo Uluğbek»), Tangabeka («Oy tutilgan tunda»), Hojiona («Boy ila xizmatçi») va b. Mumtoz asarlardagi Milfordxonim («Makr va muhabbat»), Gertruda («Hamlet»), Vassa, Glafira («Vassa Jeleznova», «Sönggi qurbon») kabi obrazlari ijtimoiy va psixologik jihatdan teran va tugalligi b-n ajralib turadi. Ayniqsa, S. yaratgan Farmonbibi («Kelinlar qözğoloni») milliy böyoqlarga boyligi, hayotiyligi b-n katta muvaffaqiyat qozondi. U bir qança filmlar [«Gang daryosining qizi» (Çata Patxayaxonim), «Suyunçi» (Anzirat), «Armon» (oşpaz ayol) va b.]da ham suratga tuşgan. Hamza nomidagi Özbekiston Davlat mukofoti laureati (1979).
Asl matn (kirill, PDF'dagidek)
САДРИЕВА Зайнаб (1914.25.10, Астрахон — 1991.31.10, Тошкент) — Ўзбекистон халқ артисти (1952). 1930—33 й.лар ўзбек ишчи-ёшлар театрида, 1933—87 й.лар Ҳамза театрида, 1987— 91 й.лар Аброр Ҳидоятов номидаги театрда ишлаган. Актрисанинг ўзига хос истеъдоди қисмати оғир, лекин иродаси кучли аёллар характерини яратишда монументал образлари очилди. Кручинина («Айбсиз айбдорлар»), Любовь Яровая («Любовь Яровая»), Христина («Рўйхатларда йўқ») ва б. шулар жумласидан. Шунингдек, С. ижодида қаттиққўл, ҳукмини ўтказишга ўч аёллар образи алоҳида ўрин тутади: Гавҳаршод бегим («Мирзо Улуғбек»), Тангабека («Ой тутилган тунда»), Ҳожиона («Бой ила хизматчи») ва б. Мумтоз асарлардаги Мильфордхоним («Макр ва муҳаббат»), Гертруда («Ҳамлет»), Васса, Глафира («Васса Железнова», «Сўнгги қурбон») каби образлари ижтимоий ва психологик жиҳатдан теран ва тугаллиги б-н ажралиб туради. Айниқса, С. яратган Фармонбиби («Келинлар қўзғолони») миллий бўёқларга бойлиги, ҳаётийлиги б-н катта муваффақият қозонди. У бир қанча фильмлар [«Ганг дарёсининг қизи» (Чата Патхаяхоним), «Суюнчи» (Анзират), «Армон» (ошпаз аёл) ва б.]да ҳам суратга тушган. Ҳамза номидаги Ўзбекистон Давлат мукофоти лауреати (1979).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.