Zokir Eşon tödasi
Manba: ÖzME, 4-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 117-b. — ziyouz.com
Zokir Eşon tödasi - 19 a 2 yarmida Qöqonda ijod qilgan özbek professional aktyorlar tödasi («Kasabai sozanda»). Korfarmoni — Zokir eşon. Rizo qiyiq, Sa'di maxsum, Normat qiziq, Boybuva qiziq, Mömin qişloqi, Bahrom qiziq, Usmon qiziq, Rözi gov, Davlat qiziq, Kal sariq qiziq, Avliyoxon qiziq kabi 30 dan ortiq qiziqçi aktyor, hofiz, sozanda va raqqoslardan iborat bölgan. Aktyorlik san'atidagi asosiy badiiy ifoda quroli improvizatsiya, ma'noli imo-işora, harakat va ötkir sözlik hamda taklidçilikka katta e'tibor berilgan. Qöqon xonligining hamma şaharlarida tomoşalar körsatgan. Repertuari «Xon hajvi», «Zarkokil», «Sirkataroq azizlar», «Farzand duosi», «Kigiz öğrisi», «Attorlik» kabi satirik sahnalar, hajviya, askiya, musiqa, aşula va raqslardan iborat bölgan.
Ad.: Rahmonov M., Özbek teatri tarixi, T., 1968.
Mamajon Rahmonov.
Asl matn (kirill, PDF'dagidek)
ЗОКИР ЭШОН ТЎДАСИ - 19 а 2 ярмида Қўқонда ижод қилган ўзбек профессионал актёрлар тўдаси («Касабаи созанда»). Корфармони — Зокир эшон. Ризо қийиқ, Саъди махсум, Нормат қизиқ, Бойбува қизиқ, Мўмин қишлоқи, Баҳром қизиқ, Усмон қизиқ, Рўзи гов, Давлат қизиқ, Кал сариқ қизиқ, Авлиёхон қизиқ каби 30 дан ортиқ қизиқчи актёр, ҳофиз, созанда ва раққослардан иборат бўлган. Актёрлик санъатидаги асосий бадиий ифода қуроли импровизация, маъноли имо-ишора, ҳаракат ва ўткир сўзлик ҳамда таклидчиликка катта эътибор берилган. Қўқон хонлигининг ҳамма шаҳарларида томошалар кўрсатган. Репертуари «Хон ҳажви», «Заркокил», «Сиркатароқ азизлар», «Фарзанд дуоси», «Кигиз ўғриси», «Атторлик» каби сатирик саҳналар, ҳажвия, аския, мусиқа, ашула ва рақслардан иборат бўлган.
Ад.: Раҳмонов М., Ўзбек театри тарихи, Т., 1968.
Мамажон Раҳмонов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.