Zunnun Madaliyev
Manba: ÖzME, 5-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 45–46-b. — ziyouz.com
Madaliyev Zunnun (1914.20.5, Şahrixon ş. — 1980.7.9, Farğona) — aktyor va rej. Özbekiston xalq artisti (1967). Sahna faoliyatini 1930 y. Andijon teatrida boşlagan. 1933—39-y. lar Asaka k-z—s-z teatrida, 1940 y.dak Farğona viloyat musiqali drama va komediya teatrida aktyor, rej., boş rej. Qahramonlik va komik rollar ustasi sifatida tanilgan. Ortiqça xatti-harakat usullarisiz qahramon qiyofasini oça biliş layoqatiga, sahnadagi şerigi (partnyori)ni öziga ergaştira oladigan, keçinmalariga şerik qila oladigan, kuçli psixologik talqin mahoratiga ega san'atkor bölgan. Yaxşivoy («Nomus va muhabbat»), Kablayi («Beş sömlik kelin»), Majididdin («Alişer Navoiy»), Mavlon («Şohi sözana»), Ferdinand («Makr na muhabbat»), Toşbolta («Toşbolta oşiq»), Xolmat («Boy ila xizmatçi»), Tartalya («Baxtli gadolar») singari turli janr, insonlar toifasiga oid yuzdan ortiq obrazlar yaratgan. Rej. sifatida «Mavlono Muqimiy» (S. Abdulla), «Hamza» (K. Yaşin. A. Umariy), «Maysaraning işi» (Hamza), «Gulsara» (K. Yaşin, M. Muxamedov), «Ajab savdolar» (H. Ğulom), «Layli va Majnun» (Xurşid), «Alpomiş», «Gul va Navröz» (S. Abdulla), «Boqi va Soqi (Ya. Mamatxonov) kabi spektakllarni saqnalaştirgan.
Asl matn (kirill, PDF'dagidek)
МАДАЛИЕВ Зуннун (1914.20.5, Шаҳрихон ш. — 1980.7.9, Фарғона) — актёр ва реж. Ўзбекистон халқ артисти (1967). Саҳна фаолиятини 1930 й. Андижон театрида бошлаган. 1933—39-й. лар Асака к-з—с-з театрида, 1940 й.дак Фарғона вилоят мусиқали драма ва комедия театрида актёр, реж., бош реж. Қаҳрамонлик ва комик роллар устаси сифатида танилган. Ортиқча хатти-ҳаракат усулларисиз қаҳрамон қиёфасини оча билиш лаёқатига, саҳнадаги шериги (партнёри)ни ўзига эргаштира оладиган, кечинмаларига шерик қила оладиган, кучли психологик талқин маҳоратига эга санъаткор бўлган. Яхшивой («Номус ва муҳаббат»), Каблайи («Беш сўмлик келин»), Мажидиддин («Алишер Навоий»), Мавлон («Шоҳи сўзана»), Фердинанд («Макр на муҳаббат»), Тошболта («Тошболта ошиқ»), Холмат («Бой ила хизматчи»), Тарталья («Бахтли гадолар») сингари турли жанр, инсонлар тоифасига оид юздан ортиқ образлар яратган. Реж. сифатида «Мавлоно Муқимий» (С. Абдулла), «Ҳамза» (К. Яшин. А. Умарий), «Майсаранинг иши» (Ҳамза), «Гулсара» (К. Яшин, М. Мухамедов), «Ажаб савдолар» (Ҳ. Ғулом), «Лайли ва Мажнун» (Хуршид), «Алпомиш», «Гул ва Наврўз» (С. Абдулла), «Боқи ва Соқи (Я. Маматхонов) каби спектаклларни сақналаштирган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.