IT Park Uzbekistan

IT Park Uzbekistan — Özbekistondagi davlat tomonidan qöllab-quvvatlanadigan texnologiya markazi. U 2019-yilda Özbekiston Respublikasi Raqamli texnologiyalar vazirligi nazoratida taşkil etilgan va startaplar, IT kompaniyalar hamda raqamli xizmatlar eksportçilarini qöllab-quvvatlaşni maqsad qiladi.

IT Park Prezident Şavkat Mirziyoyev taşabbusi bilan startap ekotizimini mustahkamlaş va innovatsion loyihalarni qöllab-quvvatlaş maqsadida taşkil etilgan. U 2019-yil 10-yanvarda Özbekiston Respublikasi Vazirlar Mahkamasining 17-sonli «Dasturiy mahsulotlar va axborot texnologiyalari texnologik parkini yaratiş çora-tadbirlari töğrisida»gi qarori asosida rasman işga tuşirilgan. Birinçi bino 2019-yil 24-iyulda oçilgan. 2019-yil 20-noyabrda Prezident Mirziyoyev IT Parkka taşrif buyurib, uning keyingi bosqiçi uçun ramziy poydevor toşini qöygan.

IT Park infratuzilma, soliq imtiyozlari va tartibga soliş böyiça kömak taqdim etadi. U a'zolar uçun möljallangan davlat qöllab-quvvatlaş dasturlarini amalga oşiruvçi vakolatli taşkilotdir. Asosiy dasturlar:

• 0% soliq: a'zolar 2040-yilgaça yuridik va jismoniy şaxslar daromad soliği, QQS va bojxona tölovlaridan ozod etiladi.
• Zero Risk: xorijiy investorlar uçun dastur; 12 oy bepul ofis, 100 nafargaça xodim uçun bepul texnik jihozlar, kadrlar xarajatlarining bir qismini qoplaş. Xodimlar soni 20–50 bölsa 5%, 50–75 bölsa 10%, 76 va undan köp bölsa 15% iş haqi kompensatsiyasi beriladi. Öqitiş va yollaş xarajatlarining 50% gaça qismi (200 bazaviy hisoblaş miqdorigaça) qoplanadi.
• Local2Global: viloyatlarda IT sohasini rivojlantiriş, mahalliy aholi uçun yuqori qiymatli iş örinlari yaratiş va IT xizmatlari eksporti bilan şuğullanuvçi kompaniyalarni jalb etişga qaratilgan.
• IT Visa: uç yilgaça amal qiluvçi köp martalik viza; uzaytiriş mumkin. Viza egalari va oila a'zolari ta'lim va tibbiy xizmatlardan Özbekiston fuqarolari bilan teng şaroitda foydalanadi.
• Softlanding: xalqaro kompaniyalarning Özbekiston IT ekotizimiga kirişi va rivojlanişiga yordam beradi: malakali kadrlar, huquqiy, moliyaviy va bank xizmatlari, biznesni röyxatdan ötkazişda kömak va boşqalar.

Şuningdek, IT Park startaplar uçun inkubatsiya va akseleratsiya dasturlarini, har yilgi tanlovlarni (jumladan, 1 million dollarlik mukofot jamğarmasiga ega President Tech Award) taşkil etadi. IT Park Ventures — 10 million dollarlik kapital fondi bölib, erta bosqiçdagi startaplarga uruğlik va ösiş kapitalini taqdim etadi. Fond Unitlab AI (200 ming dollar), Geomotive (200 ming dollar) va Datatruck (250 ming dollar) startaplariga investitsiya kiritgan. IT Park University (ITPU) EPAM Systems tomonidan IT Park bilan hamkorlikda taşkil etilgan.

• Filiallar: 14 ta; xorijiy vakolatxonalar: 6 ta (Delaver, Heydelberg, Seul, Ar-Riyod, Tokio, Şanxay).
• A'zo kompaniyalar: 2800 ta, jumladan IT xizmatlar — 1506, ta'lim — 534, xizmat körsatuvçilar — 425, kreativ — 102, geymdev — 33.
• Startaplar: 1500 dan ortiq faol startap, ular jami 300 million dollardan ortiq investitsiya jalb qilgan.
• Eksport geografiyasi — 90 davlat: Şimoliy Amerika 46%, Yevropa va Buyuk Britaniya 25%, MDH 13%, Osiyo-Tinç okeani mintaqasi 11%, MENA 5%.
• Eksport tarkibi: IT xizmatlar 53%, BPO xizmatlari 28%, geymdev va kreativ iqtisodiyot 11%, dasturiy mahsulotlar 8%.
• 2024-yil oxiriga kelib 38 600 kişi band bölgan; bu 2023-yil oxiriga nisbatan 146% ösiş. Hududlarda bandlik 240% oşib, 9000 dan ortiq iş örni qöşilgan.
• 2024-yilda DataVolt bilan IT Park majmuasi hududida 5 milliard dollarlik yaşil data-markazlar quriş böyiça kelişuv imzolangan.

IT Park Raqamli texnologiyalar vazirligi nazoratida faoliyat yuritadi. Rahbariyat tarkibi:

• Farxod Ibragimov — Kuzatuv kengaşi raisi
• Azamat Karamatov — boş direktor (CEO)
• Jahongir Rajabov — birinçi örinbosar
• Lazizbek Xudayev — a'zolar bilan işlaş böyiça direktor örinbosari
• Mahliyo Muksinova — strategik rivojlaniş böyiça direktor örinbosari
• Dilafruz Miralimova — inklyuziv rivojlaniş böyiça direktor örinbosari
• Azam Abdullayev — hududiy rivojlaniş böyiça direktor örinbosari

Toşkentdagi boş ofis olti gektar maydonni egallaydi va koworking, konferensiya markazlari hamda innovatsion laboratoriyalarni öz içiga oladi.