Angliya
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 478-b. — ziyouz.com
Angliya — Buyuk Britaniyaning ma'muriy-siyosiy qismi, uning tarixiy özagi. Buyuk Britaniya o.ning jan. va örta hududida joylaşgan. Germaniyada yaşagan va 5 — 6- a.larda Yevropa qit'asidan orolga köçib borgan angllar qabilasidan A. nomi kelib çiqqan. Keng ma'noda köpinça Buyuk Britaniya va Şim. Irlandiya Qöşma qirolligini A. deb ataydilar. Mayd. 131 ming km2, aholisi — 50 mln. kişiga yaqin (1999). Buyuk Britaniya butun mayd.ning 54% va aholisining 80% dan köproği. A. 39 graflik, 6 metropoliya grafligi va katta Londonga bölinadi. Londonning alohida boşqaruv tizimi bor: uning 28 okrugidan har birida kengaş mavjud. Londondagi ijroiya hokimiyatini lordmer amalga oşiradi. A. — iqtisodiy jihatdan Buyuk Britaniyaning eng rivojlangan bölagi. Mamlakatning an'anaviy sanoat tarmoqlari: konçilik (toşkömir, temir ruda), kora metallurgiya, metallsozlik, kimyo, töqimaçilik, oziq-ovqat sanoati asosiy markazlari şu yerda joylaşgan. Maşinasozlik (avtomobilsozlik, aviasozlik, stanoksozlik, asbobsozlik), elektr va radiotexnika, atom sanoati ham yaxşigina rivojlangan. A.da mamlakatning eng katta sanoat markazlari: London, Birmingem, Liverpul va b. joylaşgan. Buyuk Britaniya jami ekinzorlarining salkam 70% A.ga töğri keladi. U sut çorvaçiligi, sabzavotçilik va boğdorçilikning asosiy maskani hamdir. A.da transport tarmoği qalin, uning portlari (London, Liverpul, Sautxempton va b.) orqali mamlakat yuk aylanmasining 80% dan köproği ötadi. Yana q. Buyuk Britaniya.
Q.: Buyuk Britaniya
Asl matn (kirill, PDF'dagidek)
АНГЛИЯ — Буюк Британиянинг маъмурий-сиёсий қисми, унинг тарихий ўзаги. Буюк Британия о.нинг жан. ва ўрта ҳудудида жойлашган. Германияда яшаган ва 5 — 6- а.ларда Европа қитъасидан оролга кўчиб борган англлар қабиласидан А. номи келиб чиққан. Кенг маънода кўпинча Буюк Британия ва Шим. Ирландия Қўшма қироллигини А. деб атайдилар. Майд. 131 минг км2, аҳолиси — 50 млн. кишига яқин (1999). Буюк Британия бутун майд.нинг 54% ва аҳолисининг 80% дан кўпроғи. А. 39 графлик, 6 метрополия графлиги ва катта Лондонга бўлинади. Лондоннинг алоҳида бошқарув тизими бор: унинг 28 округидан ҳар бирида кенгаш мавжуд. Лондондаги ижроия ҳокимиятини лордмэр амалга оширади. А. — иқтисодий жиҳатдан Буюк Британиянинг энг ривожланган бўлаги. Мамлакатнинг анъанавий саноат тармоқлари: кончилик (тошкўмир, темир руда), кора металлургия, металлсозлик, кимё, тўқимачилик, озиқ-овқат саноати асосий марказлари шу ерда жойлашган. Машинасозлик (автомобилсозлик, авиасозлик, станоксозлик, асбобсозлик), электр ва радиотехника, атом саноати ҳам яхшигина ривожланган. А.да мамлакатнинг энг катта саноат марказлари: Лондон, Бирмингем, Ливерпул ва б. жойлашган. Буюк Британия жами экинзорларининг салкам 70% А.га тўғри келади. У сут чорвачилиги, сабзавотчилик ва боғдорчиликнинг асосий маскани ҳамдир. А.да транспорт тармоғи қалин, унинг портлари (Лондон, Ливерпул, Саутхемптон ва б.) орқали мамлакат юк айланмасининг 80% дан кўпроғи ўтади. Яна қ. Буюк Британия.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.